গুৱাহাটী বিশ্ববিদ্যালয়ত টীম আমিষ

কাইলৈ ছবিগৃহলৈ আহিব নতুন অসমীয়া ছবি 'আমিষ'। মুক্তিৰ এদিন পূৰ্বে গুৱাহাটী বিশ্ববিদ্যালয়ত উপস্থিত টীম আমিষ। যোগাযোগ আৰু সাংবাদিকতা বিভাগৰ ছাত্ৰ ছাত্ৰীসকলৰ লগতে মত বিনিময় কৰি ছবিখন উপভোগ কৰিবলৈ আহ্বান জনালে টীম আমিষে।

গুৱাহাটী, 21 নৱেম্বৰঃ 22 নৱেম্বৰ অৰ্থাৎ কাইলৈ মুক্তি পাব নতুন অসমীয়া ছবি আমিষ ৷ ব্যতিক্ৰমধৰ্মী এই ছবিখনৰ পৰিচালনা কৰিছে ভাস্কৰ হাজৰিকা আৰু প্ৰযোজনা কৰিছে পুনম দেউল আৰু শ্যাম ভৰাই। বলীউডৰ জনপ্ৰিয় ছবি পৰিচালক অনুৰাগ কাশ্যপৰ দ্বাৰা নিবেদিত এইখন ছবিত নৱাগত লীমা দাস,আৰ্ঘ্যদীপ বৰুৱা,নিতালী দাস,সাগৰ সৌৰভকে ধৰি বহুকেইগৰাকী নৱাগত অভিনেতা অভিনেত্ৰীক দেখিবলৈ পোৱা যাব। ইফালে শুকুৰবাৰে অসমৰ বিভিন্ন ছবিগৃহৰ লগতে অসমৰ বাহিৰত বাংগালুৰু,পুনে, কলকাতাৰ লগতে দিল্লীৰ ছবিগৃহটো উপভোগ কৰিব পাৰিব নতুন ব্যতিক্ৰমধৰ্মী ছবি 'আমিষ'। তাৰোপৰি দেশৰ ভিন্ন প্ৰান্তৰ প্ৰবাসী অসমীয়া ৰাইজৰ বাবে অনলাইন ছবিখন মুক্তি দিয়াৰ ব্যৱস্থা হাতত লৈছে পৰিচালকে। আনহাতে ছবিখন অসমীয়া ৰাইজে আঁকোৱালি ল'ব বুলি সম্পূৰ্ণ আশাবাদী আমিষৰ পৰিচালক তথা কলা-কুশলীসকল।

লগতে পঢ়কঃ সদৌ অসম ছাত্ৰ সন্থা বিক্ৰী হৈছেঃ ৰাম কৃষ্ণ ঘোষ