গুৱাহাটী,22 জুন:উত্তৰ-পূৱ সীমান্ত ৰে'লৱেৰ শীৰ্ষ বিষয়া আক্ৰান্ত হৈছে কৰ'ণা ভাইৰাছত । ৰে'ল বিভাগৰ Principal chief commercial manager অনিত দৌলাত আক্ৰান্ত হৈছে কৰ'ণাত । বিষয়াগৰাকীৰ পুত্ৰ উদয় দৌলাতো কৰ'ণাত আক্ৰান্ত বুলি চিনাক্ত কৰা হৈছে । দুয়ো গৰাকী ব্যক্তি বৰ্তমান গুৱাহাটী চিকিৎসা মহাবিদ্যালয় হাস্পতালত চিকিৎসাধীন হৈ আছে ৷ বিষয়াগৰাকী কোভিডত আক্ৰান্ত হোৱাৰ পিছত কাৰ্যালয় আৰু আৱাসগৃহ সম্পূৰ্ণৰূপে ছীল কৰিছে প্ৰশাসনে । ইফালে শেহতীয়াকৈ ৰে’লৱেৰ মেকানিকেল বিভাগৰ অজিত বৈশ্য নামৰ এগৰাকী বিষয়াও Covid 19 ত আক্ৰান্ত বুলি চিনাক্ত হৈছে । এইসমূহ ৰোগী চিনাক্ত হোৱাৰ পিছতে মুখ্য কাৰ্যালয় ছেনিটাইজ কৰে কৰ্তৃপক্ষই । তাৰোপৰি কাৰ্যালয়ত ব্যাপক সতৰ্কতা অৱলম্বন কৰা হৈছে । মাস্ক পৰিধান, সামাজিক দূৰত্ব কঠোৰভাৱে মানি চলিবলৈ সকলোকে নিৰ্দেশ দিছে ৰেল’ৱে কৰ্তৃপক্ষই ।
কৰ'ণাত আক্ৰান্ত উত্তৰ পূৱ সীমান্ত ৰে’লৱেৰ শীৰ্ষ বিষয়া