হিন্দু জাগৰণ মঞ্চ এক বিভেদকামী সংগঠন: ৰাষ্ট্ৰীয় উলেমা কাউঞ্চিল

সোমবাৰে হিন্দু জাগৰণ মঞ্চই দিচপুৰ প্ৰেছক্লাৱত এক সংবাদমেল আয়োজন কৰি এটা বিশেষ সম্প্ৰদায়ে ধৰ্মীয় উন্মাদনাৰে হিন্দুক আক্ৰমণৰ লক্ষ্য কৰি লৈছে বুলি মন্তব্য কৰিছিল উগ্ৰ হিন্দুত্ববাদী নেতা সত্যৰঞ্জন বৰাৰ ৷ বৰাৰ এই মন্তব্য পিছতেই জাঙুৰ খাই উঠিছে ৰাষ্ট্ৰীয় উলেমা কাউঞ্চিল ৷

গুৱাহাটী,19 জানুৱাৰী: এইবাৰ হিন্দু জাগৰণ মঞ্চক উভতি ধৰিলে ৰাষ্ট্ৰীয় উলেমা কাউঞ্চিল নামৰ এটা সংগঠনে ৷ সোমবাৰে হিন্দু জাগৰণ মঞ্চই দিচপুৰ প্ৰেছ ক্লাৱত এক সংবাদমেল আয়োজন কৰি এটা বিশেষ সম্প্ৰদায়ে ধৰ্মীয় উন্মাদনাৰে হিন্দুক আক্ৰমণৰ লক্ষ্য কৰি লৈছে বুলি মন্তব্য কৰিছিল উগ্ৰ হিন্দুত্ববাদী নেতা সত্যৰঞ্জন বৰাৰ ৷ বৰাৰ এই মন্তব্য পিছতেই জাঙুৰ খাই উঠিছে ৰাষ্ট্ৰীয় উলেমা কাউঞ্চিল ৷ বৰাৰ এই অভিযোগক তীব্ৰ গৰিহনা দি ৰাষ্ট্ৰীয় উলেমা কাউঞ্চিলে হিন্দু জাগৰণ মঞ্চক বিভেদকামী সংগঠন বুলি অভিযোগ কৰাৰ লগতে সত্যৰঞ্জন বৰাকো তীব্ৰ সমালোচনা কৰে ৷

সংগঠনটোৰ কৰ্মকৰ্তাই কয়, সত্যৰঞ্জন বৰাই হিন্দু মুছলমানৰ মাজত এক সংঘাত লগোৱাৰ উদ্দেশ্যে বিভিন্ন সময়ত বহু কাৰ্যপন্থা হাতত লৈছে ৷ ইয়াৰ উপৰিও মন্ত্ৰী হিমন্ত বিশ্ব শৰ্মাই সংখ্যালঘু ৰাইজৰ ভোট নালাগে বুলি কোৱা মন্তব্যৰো তীব্ৰ গৰিহনা দিয়ে ৰাষ্ট্ৰীয় উলেমা কাউঞ্চিলে ৷ বিজেপি দলতো সংখ্যালঘু মৰ্চাৰ বিভাগ আছে ৷ কিন্তু বিজেপিৰ মন্ত্ৰীয়ে সংখ্যালঘু ভোটাৰৰ চাল চলন বেয়া বুলি কৈ ভোট বিচাৰে ৷ যাৰ বাবেই সত্যৰঞ্জন বৰাই এনেধৰনৰ কাৰ্যকলাপ কৰিবলৈ সুযোগ পাইছে বুলি মন্তব্য কৰে ৰাষ্ট্ৰীয় উলেমা কাউঞ্চিলৰ বিষয়ববীয়াই ৷

লগতে পঢ়ক-নিবার্চনলৈ সাজু বিজেপি: চাৰি জ্যেষ্ঠ নেতাই বিচাৰিলে ৰাইজৰ পৰামর্শ