গুৱাহাটী, ১৬ আগষ্ট:দেশে উলহ-মালহেৰে উদযাপন কৰিলে ৭৬ সংখ্যক স্বাধীনতা দিৱস(76th Years of Independence)। এইবাৰ স্বাধীনতাৰ অমৃত মহোৎসৱ(Azadi Ka Amrit Mahotsav)উপলক্ষ্যে দেশজুৰি তিনিদিনীয়া কাৰ্যসূচীৰে স্বাধীনতা দিৱস উদযাপন কৰা হয় । অসমতো ব্যাপক উৎসাহ-উদ্দীপনাৰে দেশৰ ৭৬ সংখ্যক স্বাধীনতা দিৱস উদযাপন কৰা হয় ।
মুখ্যমন্ত্রীৰ আহ্বানৰ পাছতো জনতা ভৱনতে মঙলবাৰেও উৰি থাকিল ৰাষ্ট্ৰীয় পতাকা মুখ্যমন্ত্রী ড৹ হিমন্ত বিশ্ব শৰ্মাৰ(CM Dr Himanta Biswa Sarma) আহ্বান ক্ৰমে ৰাজ্যবাসীয়ে ১৩ আগষ্টৰ পৰা ১৫ আগষ্টলৈ ৰাষ্ট্ৰীয় পতাকা উৰুৱাই উদযাপন কৰে স্বাধীনতা দিৱস । এককথাত চৰকাৰৰ ঘৰে ঘৰে ত্ৰিৰংগ(Har Ghar Triranga)পতাকা কাৰ্যসূচীৰ সফল ৰূপায়ণ হয় । চৰকাৰখনে পতাকা উত্তোলন তথা উৰুৱাই ৰখাত যিমান গুৰুত্ব দিলে সিমান গুৰুত্ব পতাকাখন নমাই ৰখাত নিদিলে । যাৰ পৰিপ্ৰেক্ষিতত ১৬ আগষ্টতো বহু অঞ্চলত পতাকা উৰি থকা দেখা গ'ল । সাধাৰণ জনতাৰ কথা বাদেই, চৰকাৰৰ ঘৰখনতে মঙলবাৰৰ দুপৰীয়ালৈকে উৰি থাকিল পতাকা ।
মুখ্যমন্ত্রীৰ আহ্বানৰ পাছতো জনতা ভৱনতে মঙলবাৰেও উৰি থাকিল ৰাষ্ট্ৰীয় পতা লক্ষণীয় বিষয় যে মুখ্যমন্ত্রী ড৹ হিমন্ত বিশ্ব শৰ্মাই ১৫ আগষ্টৰ সন্ধিয়া ৰাষ্ট্ৰীয় পতাকা সন্মানজনক ভাবে নমাই অহা বছৰ ব্যৱহাৰ কৰাৰ বাবে সযতনে ৰখাৰ বাবে আহ্বান জনাইছিল । পতাকাখন যাতে য'তে ত'তে পৰি নাথাকে তাৰ বাবে এই আহ্বান জনাইছিল । কিন্তু মুখ্যমন্ত্ৰীৰ এই আহ্বান কাৰ্যকৰী কৰা পৰিলক্ষিত নহ'ল ৰাজধানী দিছপুৰৰ জনতা ভৱনত । মঙলবাৰেও দিনৰ ১২ বজালৈ জনতা ভৱন চৌহদত শাৰী শাৰী কৈ উৰি থাকিল জাতীয় পতাকা । সংবাদ মাধ্যমৰ দৃষ্টি পৰাৰ পাছতেহে দুপৰীয়া ১২ বজাৰ পাছত পতাকাসমূহ নমোৱা হয় । এককথাত ক'বলৈ গ'লে জনতা ভৱনতে মুখ্যমন্ত্রীৰ আহ্বানক আওকাণ কৰা হ'ল ।
মুখ্যমন্ত্রীৰ আহ্বানৰ পাছতো জনতা ভৱনতে মঙলবাৰেও উৰি থাকিল ৰাষ্ট্ৰীয় পতা নিয়ম মতে ১৫ আগষ্টৰ সন্ধিয়াই পতাকাসমূহ নমাব লাগিছিল । কিন্তু কাৰ ভুলৰ বাবে মঙলবাৰে দুপৰীয়ালৈ জনতা ভৱনতে জাতীয় পতাকাসমূহ উৰি থাকিল সেয়া অতি গুৰুত্বপূৰ্ণ বিষয় । ইফালে, ঘৰে ঘৰে পতাকা লগোৱাৰ ক্ষেত্রত বিশেষ গুৰুত্ব দিয়াৰ পৰিপ্ৰেক্ষিতত সকলোতে পতাকাৰ সমাহাৰ দেখা গ'ল যদিও বহু ঠাইত আজিও উৰি থাকিল পতাকাসমূহ । পতাকাসমূহ সময়মতে নমোৱাৰ বিষয়টোত বিশেষ গুৰুত্ব নিদিয়াত আজিও বহু যান-বাহন, ব্যৱসায়ীক প্ৰতিষ্ঠান, আৱাসগৃহ আদিত উৰি আছে ত্ৰিৰংগ পতাকা ।
লগতে পঢ়ক:জাতীয় পতাকাক অৱহেলা নকৰিবলৈ ৰাইজক অনুৰোধ মুখ্যমন্ত্ৰী হিমন্ত বিশ্ব শৰ্মাৰ
