স্কুলৰ পৰা ছুটী পালে কুইন ওজাই

সংসদৰ মজিয়াখন পঢ়াশালি বুলি উল্লেখ কুইন ওজাৰ ৷ কংগ্ৰেছ দলটি এতিয়া নিঃশেষ হব বুলিও মন্তব্য ৷ দ্বীপৰ বিলৰ ৰে’লৱে জৰীপ সন্দৰ্ভতো ব্যৱস্থা ল'ব সাংসদগৰাকীয়ে

গুৱাহাটী, 9 আগষ্ট : পঢ়াশালিৰ পৰা উভতি আহিল এগৰাকী সাংসদ ।সংসদৰ মজিয়াখন পঢ়াশালি - এই মন্তব্য গুৱাহাটী লোকসভা সমষ্টিৰ সাংসদ কুইন ওজাৰ । কুইন ওজা হেনো এগৰাকী ছাত্ৰীহে । সংসদৰ মজিয়াখনক তেওঁ জ্ঞান কৰিছে পঢ়াশালিসদৃশ । প্ৰায় এমাহ দিল্লীত কটাই শুকুৰবাৰে বিয়লি গুৱাহাটীলৈ উভতি আহি ছুটী পায়েই ঘৰলৈ উভতি অহা বুলি মন্তব্য কৰিলে কুইন ওজাই । লগতে কংগ্ৰেছ দলটি এতিয়া নিঃশেষ হব বুলিও মন্তব্য কৰে সাংসদগৰাকীয়ে । আনহাতে, দ্বীপৰ বিলৰ ৰে’লৱে জৰীপ সন্দৰ্ভতো ব্যৱস্থা ল'ব বুলি মন্তব্য কৰে কুইন ওজাই । সংকটৰ গৰাহত থকা মনোৰম দ্বীপৰ বিল ৰক্ষা কৰাৰ আশ্বাস প্ৰদান কৰে সাংসদগৰাকীয়ে ।