গুৱাহাটী, ২৬ ছেপ্টেম্বৰঃ বিজেপিৰ ৰাষ্ট্ৰীয় সাধাৰণ সম্পাদক পদত নিযুক্তি দিয়া হৈছে মঙলদৈ লোকসভা সমষ্টিৰ সাংসদ দিলীপ শইকীয়াক । শনিবাৰে দলৰ ৰাষ্ট্ৰীয় সভাপতি জে পি নাড্ডাই শইকীয়াক এই দায়িত্ব ন্যস্ত কৰে । বিজেপিৰ বৰ্তমানৰ ৰাষ্ট্ৰীয় সমিতিত সাধাৰণ সম্পাদকৰ দৰে গুৰুত্বপূৰ্ণ আসনত অধিষ্ঠিত হোৱা শইকীয়াই হৈছে অসমৰ প্ৰথমজন প্ৰতিনিধি ।
উল্লেখযোগ্য যে আজি একেলগে দলটোৰ ১২ গৰাকী উপ সভাপতি, ৮ গৰাকী সাধাৰণ সম্পাদক, এগৰাকী সাধাৰণ সম্পাদক (সাংগঠনিক), তিনিগৰাকী সহকাৰী সাংগঠনিক সম্পাদক আৰু এগৰাকী সম্পাদকক নিযুক্তি দিয়া হয় । দিলীপ শইকীয়াক দলৰ ৰাষ্ট্ৰীয় নেতৃত্বই এনে এক গুৰু দায়িত্ব অৰ্পণ কৰাত স্বাভাৱিকতে উৎফুল্লিত হৈ পৰিছে ৰাজ্যিক বিজেপিৰ কৰ্মী । ৰাজ্যিক সভাপতি ৰঞ্জিৎ দাসেও এই নতুন দায়িত্বৰ বাবে অভিনন্দন জনাইছে সাংসদ দিলীপ শইকীয়াক ।
লগতে পঢ়কঃ SI নিযুক্তি কেলেংকাৰীঃ নলবাৰীৰ পৰা পুনত তিনিজনক আটক