গুৱাহাটী,১৭ জুন: গুৱাহাটী মহানগৰীত দিনক দিনে বৃদ্ধি পাইছে চিলনী চোৰৰ উৎপাত ৷ কেতিয়াবা যদি সোণৰ গহনা, আন কেতিয়াবা আকৌ নগদ ধন লৈ উধাও হয় চিলনী চোৰে ৷ চোৰৰ তাণ্ডৱত অতিষ্ঠ গুৱাহাটী মহানগৰবাসী ৷ এইবাৰ পাণবজাৰত এগৰাকী মহিলাৰ পৰা দুৰ্বৃত্তই থপিয়াই নিলে ১০ লক্ষাধিক টকা (Miscreants loot bag full of Rs 10 lakh ) ।
উল্লেখ্য যে, মহিলাগৰাকীয়ে পাণবজাৰৰ অন্তৰ্গত লখৰাস্থিত চেন্ট্ৰেল বেংকৰ পৰা উলিয়াই আনিছিল টকাখিনি । ব্যক্তিগত বাহনত পাণবজাৰত আহিছিল মহিলাগৰাকী । পাণবজাৰৰ বি এছ এন এলৰ কাৰ্যালয়ৰ সমীপত সংঘটিত হয় ধন লুটৰ এই ঘটনা । পাণবজাৰত গাড়ীৰ পৰা নমাৰ সময়তে দুৰ্বৃত্তই থপিয়াই নিয়ে টকাৰ বেগটো ।