গুৱাহাটী, ১৭ জুলাই: কটন বিশ্ববিদ্যালয়ৰ সভাপতি-সম্পাদকে বিজেপিত যোগদানক লৈ সৰ্বত্ৰে প্ৰতিক্ৰিয়া হৈছে (Cottonian joins BJP) । দেওবাৰে সংবাদ মেলযোগে বিধায়ক অখিল গগৈয়ে প্ৰতিক্ৰিয়া প্ৰকাশ কৰি কয় যে কটনৰ সভাপতি, সম্পাদকে বিজেপিত যোগদান কৰি কটনৰ গৰিমাত কালিমা সানিলে । এওঁলোকক ঘৃণাৰে উপজাই পেলাব লাগে ।
কটনৰ সভাপতি-সম্পাদকে বিজেপিত যোগদান কৰাৰ কাৰ্যক অখিল গগৈৰ নিন্দা
লগতে তেওঁ কয়, ‘‘আমি কটনত থাকোতে শাসকপক্ষক ৰাজনীতিৰ পৰা আঁতৰাবলৈ যুঁজিছিলো (Akhil Gogoi in cotton college)। হিমন্তবিশ্বক কটনৰ পৰা খেদিবলৈ আমি সংগ্ৰাম কৰিছিলো । কিন্ত আজিৰ দিনত কটনৰ সভাপতি, সম্পাদকে ভাৰতৰ আটাইতকৈ সাম্প্ৰদায়িক ফেচিষ্ট দলটোত যোগ দিছে । ইয়েই কটনীয়ানৰ গৰিমাত কলংক সানিছে ।