গুৱাহাটী, ৩ জানুৱাৰী : চৰকাৰীভাৱে যোগান ধৰা পানীৰ ক্ষেত্ৰত মূল্য দিবই লাগিব । কোনো বস্তু বিনামূলীয়া নাথাকে । এই মন্তব্য মন্ত্ৰী অশোক সিংঘালৰ ৷ গৃহ নিৰ্মাণ আৰু নগৰ পৰিক্ৰমা আৰু জলসিঞ্চন বিভাগৰ(Housing and Urban Affairs Irrigation) দায়িত্বত থকা মন্ত্ৰী অশোক সিংঘালে মঙলবাৰে বিভাগ দুটাৰ বিগত বৰ্ষৰ পৰ্যালোচনা আৰু নতুন বছৰৰ পৰিকল্পনা সন্দৰ্ভত সাংবাদিকৰে অন্তৰংগ আলাপত মিলিত হয় (Minister Ashok Singhal meets journalists)।
গুৱাহাটীৰ নেডফি কনভেনচন চেণ্টাৰত আয়োজন কৰা অনুষ্ঠানটোত মন্ত্ৰী সিংঘালে জাইকাৰ পানী যোগানৰ(JICA Sewerage Project Guwahati) প্ৰসংগত সাংবাদিকে সোধা প্ৰশ্নৰ উত্তৰত কয় যে বিনামূলীয়া কোনো বস্তু নাথাকে । ১৪০০-১৫০০ কোটি টকা ব্যয় কৰি নিৰ্মাণ কৰা পানী যোগান আঁচনি গুৱাহাটী জল বোৰ্ডক পৰিচালনা কৰাৰ দায়িত্ব দিয়া হৈছে । আঁচনিখন পৰিচালনা কৰাৰ ক্ষেত্ৰত হোৱা ব্যয় বহন কৰাৰ বাবে উপভোক্তাৰ পৰা স্বাভাৱিকতে খৰচ ল'ব ।
ৰাইজে পানীৰ বাবে বহু টকা খৰচ কৰাৰ প্ৰসংগ উল্লেখ কৰি তেওঁ কয় যে জাইকাৰ পানী যোগান আঁচনিৰ যোগেদি ৰাইজে ৮-১০ টকা খৰচ কৰি হাজাৰ লিটাৰ পানী পাব । এই খৰচ অতি কম । আনহাতে ৰাইজে অতি কম খৰচত বিশুদ্ধ পানী লাভ কৰিব (Water supply in Guwahati)৷ তেওঁ লগতে কয় যে পৰ্যায়ক্ৰমে পানী যোগান আঁচনিসমূহ মুকলি কৰা হ'ব আৰু ২০২৪ চনৰ মাৰ্চৰ ভিতৰত এই কাম সম্পূৰ্ণ হ'ব ।
অনুষ্ঠানত জলসিঞ্চন বিভাগৰ প্ৰসংগত তেওঁ কয় যে বিগত বৰ্ষত যোগান ধৰা ৯৬০০ টিউবেলৰ যোগেদি ৩৮৬৪৮ হেক্টৰ কৃষি ভূমিত জলসিঞ্চনৰ ব্যৱস্থা কৰা হৈছে আৰু ইয়াৰ দ্বাৰা ৩৬৭৯৩ গৰাকী কৃষক উপকৃত হৈছে । আনহাতে এছ অ' পি ডিৰ যোগেদিও জলসিঞ্চনৰ ব্যৱস্থা কৰা হৈছে । ৰাজ্যৰ ৭,৮৬,০০০ হেক্টৰ কৃষিভূমিত জলসিঞ্চনৰ ব্যৱস্থা কৰা হৈছে । সেইদৰে জলসিঞ্চনৰ সকলো আঁচনি জিঅ' টেগ কৰা হৈছে ।
ই-অফিচৰ ক্ষেত্ৰত জলসিঞ্চন বিভাগে এছ ডি অ' পৰ্যায়ত ই-অফিচ ব্যৱস্থা সম্পূৰ্ণ কৰিবলৈ সক্ষম হৈছে (E office in Guwahati)৷ তেওঁ লগতে কয় যে জিলা পৰ্যায়ত মাষ্টাৰ প্লেনৰ কাম হাতত লোৱা হৈছে আৰু ইতিমধ্যে ২০ খনৰ কৰা হৈছে । কৃষকৰ পৰা ১০ লাখ মেট্ৰিক টন ধান ক্ৰয় কৰাৰ বাবে ৰাজ্য চৰকাৰে নিৰ্ধাৰণ কৰা লক্ষ্যত উপনীত হোৱাৰ বাবে জলসিঞ্চন বিভাগে কৃষকৰ বাবে জলসিঞ্চনৰ যাৱতীয় সকলো ব্যৱস্থা গ্ৰহণ কৰিছে (Paddy Procurement in Assam)৷