গুৱাহাটী, 10 জানুৱাৰীঃ নাগৰিকত্ব সংশোধনী আইন বাতিল আৰু সদৌ অসম উচ্চ আৰু প্ৰাথমিক বিদ্যালয়ৰ ৰান্ধনী সহায়িকা সন্থাৰ উদ্যোগত কৰ্মী সকলৰ ন্যায় অধিকাৰৰ দাবীত প্ৰতিবাদী কাৰ্যসূচী ৷ শুকুৰবাৰে মুণ্ডন কৰি চচলত অভিনৱ প্ৰতিবাদী কাৰ্যসূচী ৰূপায়ণ কৰে কৰ্মীসকলে ।
শীঘ্ৰে নাগৰিকত্ব সংশোধনী আইনখন বাতিলৰ লগতে ৰান্ধনী সহায়িকাৰ সমস্যা সমাধান কৰিবলৈ প্ৰতিবাদী সকলে চৰকাৰক দাবী জনায় ৷ অন্যথা আগন্তুক দিনত ইয়াতকৈও তীব্ৰ প্ৰতিবাদী কাৰ্যসূচী গ্ৰহণ কৰা হ'ব বুলি জানিবলৈ দিয়ে প্ৰতিবাদকাৰীসকলে ।
আনহাতে, ৰান্ধনী সহায়িকাক স্থায়ী সংস্থাপন দিয়াৰ পৰা বিৰত থকা বুলি অভিযোগ কৰি কয় যে, ১ লাখ ১৭ হাজাৰ ৰান্ধনী সহায়িকাৰ সমস্যা সমাধান নকৰিলে মহিলা সকলে আগন্তক ১৭ জানুৱাৰীত উলংগ হৈ প্ৰতিবাদ সাব্যস্ত কৰিব বুলি সকীয়াই দিয়ে সদৌ অসম ৰান্ধনী সন্থাৰ সহায়িকা তৃষ্ণা নাথে ।
উল্লেখ্য যে, ধৰ্ণা স্থলীত আৰক্ষীয়ে মুণ্ডন কাৰ্যসূচীত বাধা আৰোপ কৰাত তৃষ্ণা নাথে ধৰ্ণাস্থলীৰ ওচৰত থকা এখন চেলুনৰ সন্মুখত বহি মুণ্ডন কৰি প্ৰতিবাদ সাব্যস্ত কৰে ।
আৰু পঢ়কঃ কাঠৰ ফণি নিৰ্মাণেৰে প্লাষ্টিকৰ বিৰুদ্ধে যুঁজ ছগনলালৰ
