পুনৰ প্ৰতিবাদত বহিল মধ্যাহ্ন ভোজনৰ ৰান্ধনী সহায়িকা সকল

সোমবাৰে গুৱাহাটীৰ চচলত পুনৰ প্ৰতিবাদত বহিল সদৌ অসম প্ৰাথমিক আৰু উচ্চ প্ৰাথমিক বিদ্যালয়ৰ মধ্যাহ্ন ভোজনৰ ৰান্ধনী সহায়িকা সকল ৷ দৰমহা বৃদ্ধি আৰু চাকৰি নিয়মীয়াকৰণ কৰাৰ লগতে চৰকাৰী অনান্য সুবিধা প্ৰদানৰ দাবীৰে প্ৰতিবাদ সাব্যস্ত কৰে ৷

গুৱাহাটী, 22 ফেব্ৰুৱাৰী:পুনৰ প্ৰতিবাদত বহিল সদৌ অসম প্ৰাথমিক আৰু উচ্চ প্ৰাথমিক বিদ্যালয়ৰ মধ্যাহ্ন ভোজনৰ ৰান্ধনী সহায়িকা সকল ৷ দৰমহা বৃদ্ধি আৰু চাকৰি নিয়মীয়াকৰণ কৰাৰ লগতে চৰকাৰী অনান্য সুবিধা প্ৰদানৰ দাবীৰে সোমবাৰে গুৱাহাটীৰ চচলত প্ৰতিবাদ সাব্যস্ত কৰে ৷ প্ৰতিবাদকাৰী সকলে প্ৰতিবাদস্থলীৰ পৰা ওলাই আহিব লওতেই আৰক্ষী আৰু প্ৰতিবাদকাৰী সকলৰ মাজত হতাহতি লিপ্ত হোৱা দেখা যায় ৷ এক লাখ ওঠৰ হাজাৰ ন শ আঠান্নবৈ গৰাকী (১,১৮,৯৯৮) গৰাকী প্ৰতিবাদকাৰীয়ে চৰকাৰ বিৰোধী শ্ল'গানেৰে প্ৰতিবাদস্থলী উত্তাল কৰি তোলে ৷

পুনৰ প্ৰতিবাদত বহিল মধ্যাহ্ন ভোজনৰ ৰান্ধনী সহায়িকা সকল

মধ্যাহ্ন ভোজনৰ ৰান্ধনী সহায়িকা সকলৰ দাবী 1500 টকাৰ পৰা 9600 টকালৈ দৰমহা বৃদ্ধি কৰিব লাগে ৷ লগতে অনান্য সুবিধাৰ বাবে উত্থাপন কৰা দাবীসমূহ মানি নল'লে বিধানসভা নিৰ্বাচনত ভোট বৰ্জন কৰা লগতে দিল্লীত গৈ উলংগ প্ৰতিবাদ সাব্যস্ত কৰাৰ হুংকাৰ প্ৰদান কৰে ৷ ইয়াৰ লগতে সোমবাৰে প্ৰধানমন্ত্ৰীৰ অসম ভ্ৰমণকো তীব্ৰ ভাষাৰে গৰিহণা দিয়ে ৰান্ধনী সহায়িকা সকলে ৷ মাত্ৰ 1500 টকাৰে মুখ্যমন্ত্ৰীকো ঘৰ চলাবলৈ আহ্বান ৰান্ধনী সহায়িকা সকলৰ ৷ এই সকল ৰান্ধনী সহায়িকাৰ মাজত থকা বিধৱা ৰান্ধনী সহায়িকা সকলে অৰুণোদয় আঁচনিৰ লগতে চৰকাৰৰ কোনো আঁচনিৰ সুবিধা নোপোৱাৰো অভিযোগ উত্থাপন কৰে ৷

লগতে পঢ়ক:বৰপেটাত ৮৫ শতাংশ ভোটেই মিত্ৰজোঁটে লাভ কৰিব : গুনীন্দ্ৰ নাথ দাস