মহানগৰীৰ গাড়ীগাঁৱত অগ্নিকাণ্ড

পুৱতি নিশা প্ৰায় 4 মান বজাত অগ্নিকাণ্ড সংঘটিত হয় ৷ স্থানীয় লোকৰ তৎপৰতাত ৰক্ষা পৰে কেবাটাও বাসগৃহ।

গুৱাহাটী, 29 আগষ্টঃ বৃহস্পতিবাৰে পুৱতি নিশা মহানগৰীৰ গাড়ীগাঁৱত ভয়াৱহ অগ্নিকাণ্ড সংঘটিত হয় ৷পুৱা প্ৰায় 4 মান বজাত গাড়ীগাঁও ফেন্সিপাৰাৰ জিকিৰ চৌধাৰী নামৰ লোকজনৰ বাসগৃহত অগ্নিকাণ্ড সংঘটিত হয় ৷

ঘটনাস্থলীত দুখনকৈ অগ্নিনিৰ্বাপন বাহিনীৰ বাহন উপস্থিত হৈ যদিও ইয়াৰ পূৰ্বেই সম্পূৰ্ণ ৰূপে ভস্মীভূত হয় জাকিৰৰ বাসগৃহ। অগ্নিকাণ্ডটোৰ ফলত প্ৰায় 5 লক্ষাধিক টকাৰ সা-সামগ্ৰী জুইত ভষ্মীভূত হয় ৷ শ্বৰ্ট চাৰ্কিটৰ ফলতেই অগ্নিকাণ্ডটো সংঘটিত হোৱাৰ সন্দেহ কৰা হৈছে।