গুৱাহাটী, 9 ছেপ্তেম্বৰ : বুধবাৰে নুনমাটি SBIৰ সন্মুখত থকা হালৈ ব্ৰাদাছ নামৰ দোকান এখনত সংঘটিত হৈছে এই লোমহৰ্ষক ঘটনা । দিন দুপৰতে দোকানখনৰ ভিতৰতে চুৰিৰে পবিত্ৰ ৰয় নামৰ এজন লোকে হানি খুচি হত্যাৰ চেষ্টা কৰে বিউটি বেগম নামৰ এগৰাকী মহিলাক ৷
অভিযোগ অনুসৰি, মহিলাগৰাকীয়ে দোকানৰ ভিতৰতে বজাৰ কৰি থকা অৱস্থাত লোকজনে দোকানৰ ভিতৰত প্ৰৱেশ কৰি চুৰিৰে পেটত আঘাত কৰে মহিলাগৰাকীক । ঘটনা সংঘটিত কৰি লোকজন পলায়ন কৰিবলৈ চেষ্টা কৰে যদিও স্থানীয় লোকে আটক কৰি নুনমাটি থানাত গতাই দিয়ে যুৱকজনক ৷ ইপিনে, সংকটজনক অৱস্থাত মহিলাগৰাকীক আৰক্ষীয়ে উদ্ধাৰ কৰি চিকিৎসালয়লৈ প্ৰেৰণ কৰে ৷ আৰক্ষীয়ে ঘটনাস্থলীৰ পৰা উদ্ধাৰ কৰে ৰয়ে ব্যৱহাৰ কৰা চুৰিখন ।
মহানগৰীত দিন দুপৰতে মহিলাক হত্যাৰ চেষ্টা যুৱকৰ