ৰোগীৰ মৃত্যুক কেন্দ্ৰ কৰি মালিগাঁও ৰে’লৱে হাস্পতালত উত্তপ্ত পৰিস্থিতি

শনিবাৰে মালিগাঁওস্থিত উত্তৰ-পূৱ সীমান্ত ৰে’লৱে কেন্দ্ৰীয় হাস্পতালত সৃষ্টি হয় উত্তপ্ত পৰিস্থিতিৰ ৷ হাস্পাতলখনত দুজনকৈ কোভিড 19ত আক্ৰান্ত ৰোগীৰ মৃত্যুক লৈ সৃষ্টি হৈছে উত্তপ্ত পৰিস্থিতি ৷

গুৱাহাটী,22 আগষ্টঃ শনিবাৰে মহানগৰীৰ মালিগাঁওস্থিত উত্তৰ-পূৱ সীমান্ত ৰে’লৱে কেন্দ্ৰীয় হাস্পতালত সৃষ্টি হয় উত্তপ্ত পৰিস্থিতিৰ ৷ হাস্পতালখনত দুজনকৈ কোভিড 19ত আক্ৰান্ত ৰোগীৰ মৃত্যুক লৈ উত্তপ্ত হৈ পৰে পৰিস্থিতি ৷ চিকিৎসালয়খনৰ দায়িত্বজ্ঞানহীনতাৰ বাবেই দুয়োগৰাকী ৰোগীৰ মৃত্যু হোৱা বুলি অভিযোগ উত্থাপন কৰিছে পৰিয়ালৰ লোকে ৷ মৃত ৰোগী দুজন মিলনকান্তি ভট্টাচাৰ্য আৰু মিনতি দে বুলি জানিব পৰা গৈছে ৷

উল্লেখ্য যে, মৃত্যু হোৱা মিনতি দে নামৰ মহিলাগৰাকীৰ পৰিয়ালক প্ৰথমাৱস্থাত চিকিৎসালয়ৰ তৰফৰ পৰা তেখেত কোভিড 19 নিগেটিভ বুলি কৈছিল যদিও পৰৱৰ্তী সময়ত তেখেত কোভিড 19 পজিটিভ বুলি জনায় ৷ কোভিড পজিটিভ হোৱা বাবেই অন্য ৰোগৰ চিকিৎসা লাভ কৰা নাছিল মিনতি দেই ৷ ঘটনাস্থলীত গোশালা আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷

লগতে পঢ়ক-তৰুণ গগৈক ঔৰংগজেৱ আৰু আজমলৰ বংশধৰ আখ্যা কোনে দিলে ?