গুৱাহাটী,১৩ এপ্ৰিল:কংগ্ৰেছ নেতৃত্বৰ মহাজোঁটৰ দহটাকৈ দলৰ প্ৰতিনিধিয়ে মঙলবাৰে দিছপুৰৰ জনতা ভৱনত অতিৰিক্ত মুখ্য নিৰ্বাচনী বিষয়াক সাক্ষাৎ কৰি দুখন স্মাৰক পত্র প্ৰদান কৰে । এখন স্মাৰক পত্র বিষয়া গৰাকীৰ জৰিয়তে দেশৰ মুখ্য নিৰ্বাচন আয়ুক্তলৈ প্ৰেৰণ কৰে ।
নিকা আৰু স্বচ্ছ ভোট গণনাৰ বাবে নিৰ্বাচন আয়োগলৈ ছয়টা পইণ্ট মহাজোঁটৰ
স্মাৰক পত্রত মহাজোঁটে নিকা আৰু স্বচ্ছতাৰে ভোট গণনা প্ৰক্ৰিয়া অনুষ্ঠিত কৰাৰ বাবে ছয়টা পইণ্ট উল্লেখ কৰে । স্মাৰক পত্র প্ৰদান কৰাৰ পাছত সংবাদ মাধ্যমৰ আগত প্ৰদেশ কংগ্ৰেছৰ সভাপতি ৰিপুণ বৰাই কয় যে ভোট গণনা প্ৰক্ৰিয়াত নিয়োজিত হোৱা চৰকাৰী বিষয়াসকলৰ তালিকা তেওঁলোকক দিব লাগে । সেইদৰে ষ্ট্ৰং ৰুমৰ পৰা ভোট গণনা কেন্দ্ৰলৈ ইভিএমসমূহ অনাৰ সমস্ত প্ৰক্ৰিয়াৰ ভিডিঅ' ৰেকৰ্ডিং কৰিব লাগে ।