গুৱাহাটী, ২৯ জুলাই : গুৱাহাটী মহানগৰীত উদ্ধাৰ হ'ল জাল নোটসহ জালনোট প্ৰস্তুত কৰা মেছিন(Machine with fake notes seized in Guwahati) । শুকুৰবাৰে জালনোট সৰবৰাহকাৰীৰ বিৰুদ্ধে মহানগৰীৰ জ্যোতি নগৰত চানমাৰী আৰক্ষীয়ে অভিযান চলায় । এই অভিযানতে জাল নোট প্ৰস্তুত কৰা মেচিন আৰু জাল নোটসহ এগৰাকী মহিলাক গ্ৰেপ্তাৰ কৰে আৰক্ষীয়ে ।
মহানগৰীত জালনোটৰ ৰমৰমীয়া বেহা:মহিলাক গ্ৰেপ্তাৰ
ধৃত মহিলা গৰাকী হৈছে ঊষা বৰ্মন (৩৬)। ধৃত মহিলা গৰাকীৰ কবলৰ পৰা আৰক্ষীয়ে জাল নোট প্ৰস্তুত কৰা মেচিন, নগদ ২১,৫০০ টকা জাল নোট আৰু বহু আপত্তিজনক সামগ্ৰী জব্দ কৰে । ধৃত মহিলাগৰাকী জ্যোতিনগৰৰ আৰীফ হুছেইন নামৰ এজন লোকৰ ঘৰত ভাৰাতীয়া হিচাপে আছিল । দীৰ্ঘদিন ধৰি ধৃত মহিলা গৰাকীয়ে জাল নোটৰ ব্যৱসায়ত জড়িত আছিল ।