গুৱাহাটী,২০ জুন: সমগ্ৰ দেশতে আজিৰে পৰা আৰম্ভ হৈছে শ্ৰী শ্ৰী জগন্নাথ ৰথযাত্ৰা । হিন্দু পঞ্জিকা অনুসৰি আহাৰ মাহৰ শুক্ল পক্ষৰ দ্বিতীয় তাৰিখ ১৯ জুনৰ পুৱা ১১:২৫ বজাৰ পৰা আৰম্ভ হোৱা ৰথযাত্ৰা ২০ জুন অৰ্থাৎ আজি নিশা ০১:০৭ বজাত অন্ত পৰিব । ইফালে জগন্নাথ ৰথ যাত্ৰাত হাজাৰ হাজাৰ ভক্ত ভিৰ কৰা পৰিলক্ষিত হৈছে ৷ সমগ্ৰ দেশতে ৰথ যাত্ৰাৰ বাবে এক উৎসৱ মুখৰ পৰিবেশে বিৰাজ কৰা পৰিলক্ষিত হৈছে ।
সমগ্ৰ দেশৰ লগতে গুৱাহাটী মহানগৰীতো ৰথযাত্ৰা উপলক্ষে এক উখল-মাখল পৰিৱেশ বিৰাজ কৰা পৰিলক্ষিত হৈছে । বিগত বৰ্ষবোৰৰ দৰে ইস্কন গুৱাহাটীৰ উদ্যোগত এইবাৰো ২৩ সংখ্যক গুৱাহাটী জগন্নাথ ৰথযাত্ৰা মহোৎসৱ মংগলবাৰৰ পৰা অনুষ্ঠিত হয় । আজিৰ পৰা ২৮ জুনলৈ ৯ দিনীয়া বৰ্ণাঢ্য কাৰ্যসূচীৰে অনুষ্ঠিত কৰা হ'ব এই ৰথযাত্ৰা ।
এই অনুষ্ঠানত উপস্থিত থাকে ৰাজ্যপাল গুলাৱ চান্দ কাটাৰীয়া, গুৱাহাটী লোকসভা সমষ্টিৰ সাংসদ কুইন ওজা, জনপ্ৰিয় অভিনেত্ৰী আইমী বৰুৱা । উলুবাৰীস্থিত আশ্বী অপ্সৰাৰ পৰা আৰম্ভ হোৱা ৰথযাত্ৰা ভঙাগড়, গণেশগুৰি, আৰ পি ৰোড, লাষ্ট গে' ট, ছাৰ্ভে, বেলতলা তিনি আলি হৈ গৈ জয়ানগৰস্থিত জগন্নাথ সাংস্কৃতিক প্ৰকল্পৰ প্ৰাংগণত অন্ত পৰিব বুলি জানিবলৈ দিয়ে ইস্কন গুৱাহাটীৰ কৰ্মকৰ্তাসকলে ।