ভাৰত ৰত্ন গোপীনাথ বৰদলৈৰ আজি ৭৩ সংখ্যক মৃত্যু দিৱস
গুৱাহাটী, ৫ জুলাই : অসমৰ প্ৰথম মুখ্যমন্ত্ৰী ভাৰত ৰত্ন গোপীনাথ বৰদলৈৰ আজি ৭৩ সংখ্যক মৃত্যু দিৱস । কামৰূপ মহানগৰ জিলা প্ৰশাসনৰ উদ্যোগত নৱগ্ৰহস্থিত গোপীনাথ বৰদলৈৰ সমাধি ক্ষেত্ৰত পালন কৰা হয় লোক কল্যাণ দিৱস । এই অনুষ্ঠানত মুখ্য অতিথি হিচাপে উপস্থিত থাকে ড৹ হিমন্ত বিশ্ব শৰ্মা ।
এই অনুষ্ঠানত উপস্থিত থাকি সমাধিত শ্ৰদ্ধাঞ্জলি জ্ঞাপন কৰে মুখ্যমন্ত্ৰী হিমন্ত বিশ্ব শৰ্মাই । তাৰ পিচতে সৰ্বধৰ্ম প্ৰাৰ্থনা অনুষ্ঠিত হয় । এই অনুষ্ঠানত উপস্থিত থাকি সংবাদ মাধ্যমৰ সৈতে হোৱা বাৰ্তালাপত গোপীনাথ বৰদলৈৰ পুত্ৰ বলিন বৰদলৈয়ে কয়, ‘‘গোপীনাথ বৰদলৈৰ যি অৱদান আছিল, নতুন প্ৰজন্মই সেইবোৰ পাহৰি গৈছে । সেয়েহে তেওঁৰ বিষয়ে ছাত্ৰ-ছাত্ৰীসকলক এই বিষয়ে জানিব দিব লাগে ৷ তেতিয়াহে ছাত্ৰ-ছাত্ৰীৰ মাজত দেশপ্ৰেম জাগৰণ হ’ব’’ ৷