গুৱাহাটী,10জুনঃলক্ ডাউনে জুৰুলা কৰিছে বহু নৃত্য প্ৰশিক্ষকৰ জীৱন। নৃত্য বিদ্যালয়ৰ ঘৰ ভাড়া দিব নোৱাৰি বন্ধ হৈ পৰিছে বহুকেইখন নৃত্য প্ৰশিক্ষণৰ বিদ্যালয় ৷ হতাশাত ভুগিছে চৰকাৰী আঁচনিয়ে ঢুকি নোপোৱা নৃত্য প্ৰশিক্ষকসকল ৷ সংবাদমেল যোগে চৰকাৰলৈ সাহাৰ্যৰ আহ্বান নৃত্য প্ৰশিক্ষকৰ ৷ নৃত্য প্ৰতিষ্ঠানৰ ঘৰ ভাড়া ৰেহাইৰ ক্ষেত্ৰত পদক্ষেপ গ্ৰহণ কৰিবলৈও আহ্বান জনালে প্ৰশিক্ষকসকলে ৷
লক্ ডাউনে জুৰুলা কৰিছে নৃত্য প্ৰশিক্ষকৰ জীৱন মহামাৰীৰ বাবে ঘোষিত লক ডাউনৰ ফলত বিগত 3 মাহ ধৰি বন্ধ হৈ আছে নৃত্য প্ৰশিক্ষণৰ বিদ্যালয় সমূহ ৷ উপাৰ্জন বিমুখ হৈ পৰাৰ পিছতো বহু নৃত্য প্ৰশিক্ষকে দিব লগা হৈছে 10 হাজাৰৰ পৰা 30 হাজাৰ পর্যন্ত মাহিলি ভাড়া ৷ সেয়ে বৰ্তমান উপায়ন্তৰ হৈ পৰিছে নৃত্য প্ৰশিক্ষণৰ লগত জড়িত নৃত্য শিল্পীসকল। ঘৰ ভাড়া ৰেহাইৰ লগতে সাহাৰ্যৰ ব্যৱস্থা কৰিবলৈ সংবাদমেল যুগে আহ্বান জনায় উদয় শংকৰে ৷ লগতে স্বাস্থ্য বিভাগৰ সকলো নীতি নিৰ্দেশনাৰ মাজেৰে নৃত্য বিদ্যালয় সমূহ খুলিবলৈ অনুমতি প্ৰদানৰো জনাই আহ্বান। চেনিটাইজাৰ মাস্ক,শৰীৰৰ উষ্ণতা জোখা বা সামাজিক ব্যৱধান মানি ক্লাছ চলাব বুলি ব্যক্ত কৰে সাংবাদমেল যোগে ৷ নৃত্য প্ৰশিক্ষণৰ লগত জড়িত প্ৰায় 60 গৰাকী নৃত্য শিল্পী নাৰেংগিস্থিত সৰস্বতী ডাঞ্চ একাডেমীত একত্ৰিত হৈ মুখ্যমন্ত্ৰী আৰু সাংস্কৃতিক মন্ত্ৰীলৈ স্মাৰক পত্ৰ প্ৰেৰণৰ সিদ্ধান্ত লয় বুধবাৰে। মহানগৰীৰ প্ৰায় 3 শতাধিক আৰু সমগ্র ৰাজ্যৰ সহস্ৰাধিক নৃত্য প্ৰশিক্ষণৰ বিদ্যালয়লৈ চকু মেলি চাবলৈ হাতযোৰ কৰে সকলোৱে ৷
