গুৱাহাটী,16মে': কেন্দ্ৰীয় বিদ্যালয় সংগঠনে উত্তৰ-পূৱৰ কেন্দ্ৰীয় বিদ্যালয়সমূহত অসমীয়া আৰু অন্যান্য আঞ্চলিক ভাষাৰ পাঠ্যক্ৰম অব্যহত ৰখাৰ সিদ্ধান্ত গ্ৰহণ কৰিছে । বৃহস্পতিবাৰে গুৱাহাটীস্থিত অসম সাহিত্য সভাৰ কার্যালয়ত এক সংবাদমেল অনুষ্ঠিত কৰি এই কথা সদৰী কৰে কেন্দ্ৰীয় বিদ্যালয় সংগঠনৰ উপায়ুক্ত দ্বীপচান্দ নিলাভে । ইপিনে এই সভাতে গৰমৰ বন্ধৰ পাচতে কেন্দ্ৰীয় বিদ্যালয়সমূহত এই নিয়ম কাৰ্যকৰী কৰি অসমীয়া আৰু অন্যান্য আঞ্চলিক ভাষাৰ পাঠদান প্ৰদান কৰা হ'ব বুলি কেন্দ্ৰীয় বিদ্যালয় সংগঠনৰ উপায়ুক্তগৰাকীয়ে মন্তব্য কৰে । লগতে তেওঁ জনায় যে অসমীয়া আৰু অন্যান্য আঞ্চলিক ভাষাৰ পাঠ্যক্ৰমৰ বাবে শিক্ষকো নিযুক্তি কৰিব কেন্দ্ৰীয় বিদ্যালয় সংগঠনে ।
কেন্দ্ৰীয় বিদ্যালয়ত বাহাল থাকিব অসমীয়া বিষয়