গুৱাহাটী, 28 ছেপ্তেম্বৰ: গুৱাহাটী মহানগৰীৰ গান্ধীবস্তিস্থিত মুখ্য কাৰ্যালয়ত সোমবাৰে কৃষক মুক্তি সংগ্ৰাম সমিতিয়ে এক সংবাদমেল সম্বোধন কৰি SI পৰীক্ষাৰ কেলেংকাৰী সন্দৰ্ভত মন্তব্য প্ৰদান কৰে ৷ SI পৰীক্ষাত হোৱা এই গাফিলতিৰ সমগ্ৰ তদন্ত চিবিআইক অৰ্পন কৰিবলৈ দাবী উত্থাপন কৰে কৃষক মুক্তিয়ে ৷ আনহাতে বিজেপিৰ ৰাজ্যিক কাৰ্যালয়, কেশৱ ধাম আৰু দিশপুৰৰ পৰা পৰীক্ষাত কেলেংকাৰী সংঘটিত কৰাৰ অভিযোগ তুলিছে সংগঠনটোৰ সভাপতি ভাস্কো ডি শইকীয়াই ৷
কৃষক মুক্তি সংগ্ৰাম সমিতিৰ সংবাদমেল
সংবাদমেলত সভাপতি গৰাকীয়ে কয় যে, ‘‘বিজেপি-আৰ এছ এছৰ হস্তক্ষেপত SI পৰীক্ষাত কেলেংকাৰী সংঘটিত হৈছে ৷ গতিকে মুখ্যমন্ত্ৰী সৰ্বানন্দ সোণোৱালকো তদন্তৰ আঁওতালৈ আনিব লাগে ৷ কোনো কাৰণতে যাতে দোষী সাৰি যাব নোৱাৰে তাৰ বাবে কঠোৰৰ পৰা কঠোৰতম পদক্ষেপ গ্ৰহণ কৰিব লাগে ’’ ৷
কৃষক মুক্তি সংগ্ৰাম সমিতিৰ সংবাদমেল