গুৱাহাটী, 8 আগষ্ট:টাই আহোম ছাত্ৰ সন্থাৰ মুখপাত্ৰ যাদৱ কোঁৱৰে কলিতা জনগোষ্ঠীক তুচ্চ তাচ্ছিল্য কৰাক লৈ ৪৮ ঘন্টাৰ ভিতৰত ক্ষমা খোজাৰ আহ্বান কলিতা জনগোষ্ঠী সন্মিলন অসমৰ । বিজেপি নেত্ৰী আঙুৰলতা ডেকাক সমালোচনা কৰাৰ নামত কলিতা জনগোষ্ঠীক অপমান কৰাৰ অভিযোগ তুলিছে সদৌ অসম কলিতা জনগোষ্ঠী সন্মিলন অসমে ৷
সোমবাৰে গুৱাহাটী প্ৰেছক্লাৱত আয়োজিত এক সংবাদমেলযোগে সন্মিলনৰ সাধাৰণ সম্পাদক বিষ্ণু পাটগিৰিয়ে কয় যে, ৪ আগষ্টত টাই আহোম ছাত্ৰ সন্থাৰ কেন্দ্ৰীয় সমিতিৰ প্ৰচাৰ সম্পাদজ যাদৱ কোঁৱৰে বিজেপি নেত্ৰী আঙুৰলতা ডেকাক সমালোচনা কৰিবলৈ গৈ সংবাদমেলত কলিতা জনগোষ্ঠীক তাচ্ছিল্য কৰে । কলিতা জনগোষ্ঠীক বিষয়টোৰ মাজলৈ টানি আনি তীব্ৰ বিদ্বেষ আৰু ঘৃণাৰে ওপচাই পেলালে বুলি মন্তব্য কৰে পাটগিৰিয়ে ।
ইয়াৰ লগতে তেওঁ অভিযোগ কৰে যে, কোঁৱৰে কলিতা সমাজৰ বিশিষ্ট ব্যক্তিক কটু ভাষাৰে সমালোচনা কৰে । কলিতা জনগোষ্ঠীৰ ইতিহাস নোহোৱা বুলি মন্তব্য কৰিছে । আঙুৰলতা ডেকাক ৰাজনৈতিক প্ৰেক্ষাপটত সমালোচনা কৰিছে তাত ক'ব লগা নাই ।
যাদৱ কোঁৱৰে কলিতা জনগোষ্ঠীক ৰাজহুৱাকৈ ক্ষমা খোজক: কলিতা জনগোষ্ঠী সন্মিলন অসম লগতে তেওঁ কয়, ‘‘যাদৱ কোঁৱৰে কলিতা জনগোষ্ঠীক আক্ৰমনাত্মকভাৱে মন্তব্য কৰিছে । তাত আমি আঘাত পাইছো । তেওঁ কলিতা জনগোষ্ঠীৰ ইতিহাস চোৱা উচিত ৷ ৫ হাজাৰ বছৰীয়া ইতিহাস আছে কলিতা জনগোষ্ঠীৰ’’ ৷ ইফালে, ৪৮ ঘন্টাৰ ভিতৰত তেওঁ ৰাজহুৱাকৈ ক্ষমা নুখুজিলে ঘটনা সন্দৰ্ভত ন্যায়িক ব্যৱস্থা গ্ৰহণ কৰাৰো হুংকাৰ প্ৰদান কৰে কলিতা জনগোষ্ঠী সন্মিলন অসমে(KJSA demands to ATASU leader apologize publicly) ৷
লগতে পঢ়ক :Fir against Jadav Kunwar: টাই আহোম ছাত্ৰ সন্থাৰ নেতা যাদৱ কোঁৱৰৰ বিৰুদ্ধে এজাহাৰ
