গুৱাহাটী, 9 জানুৱাৰী:ইতিমধ্যে প্ৰস্তুতি সম্পূৰ্ণ হৈছে অহা 10 জানুৱাৰীৰ পৰা 12 জানুৱাৰীলৈ অনুষ্ঠিত হ'ব লগীয়া খেলো ইণ্ডিয়া যুৱ ক্ৰীড়া সমাৰোহৰ ৷ দেশৰ 28 খন ৰাজ্য আৰু 9 খন কেন্দ্ৰীয় শাসিত অঞ্চলৰ মুঠ দহ হাজাৰ খেলুৱৈ আৰু কৰ্মকৰ্তাই অংশ ল'ব এই ক্ৰীড়া সমাৰোহত ৷ ইয়াৰ ভিতৰত থাকিব অসমৰ 650 গৰাকী খেলুৱৈ আৰু 1000 গৰাকী স্বেচ্ছাসেৱক ৷ বুধবাৰে স্বেচ্ছাসেৱক সকলৰ লগত মত বিনিময় কৰে মুখ্যমন্ত্ৰী সৰ্বানন্দ সোণোৱালে ৷ সমাৰোহত অংশগ্ৰহণ কৰা খেলুৱৈ তথা অতিথিসকলক সৰ্বতোপ্ৰকাৰে সহায় কৰিবলৈ স্বেচ্ছাসেৱক সকলক আহ্বান জনায় মুখ্যমন্ত্ৰী গৰাকীয়ে ৷ 20 টাকৈ ভিন্ন পৰ্যায়ত অনুষ্ঠিত হ'বলগীয়া এই সমাৰোহে উঠি অহা প্ৰজন্মৰ বাবে এক শুভ বাৰ্তা কঢ়িয়াই অনাৰ লগতে অসমৰ ৰাইজৰ সহযোগত এই সমাৰোহখনি সাফল্যমণ্ডিত কৰিব বুলি আশা প্ৰকাশ কৰে মুখ্যমন্ত্ৰী গৰাকীয়ে ৷
প্ৰস্তুতি সম্পূৰ্ণ, খেলো ইণ্ডিয়া যুৱ ক্ৰীড়া সমাৰোহৰ