গুৱাহাটী,২৯ মাৰ্চ: ৰাজ্যত পুনৰ সাংবাদিকৰ চাঞ্চল্যকৰ মৃত্যু । সোমবাৰে পুৱা নিয়মীয়া বাৰ্তা নামৰ বাতৰি কাকতৰ সাংবাদিক পূৰ্বজ্যোতি চুতীয়াৰ মৃতদেহ উদ্ধাৰ হ'ল মহানগৰীৰ হাতীগাঁৱস্থিত বাসগৃহৰ সন্মুখৰ নলাত । পৰিয়ালৰ লোকে জনোৱা মতে, মাজনিশা পানীৰ মটৰৰ চুইছ অন কৰিবলৈ ওপৰ মহলাৰ পৰা তললৈ নামি আহিছিল চুতীয়া । তাৰ পাছৰে পৰা সন্ধানহীন হৈ আছিল সাংবাদিকগৰাকী ।
সাংবাদিক পূৰ্বজ্যোতি চুতীয়াৰ মৃতদেহ উদ্ধাৰ
কিন্তু পুৱা ৮ বজাত ঘৰৰ সন্মুখৰ নলাত সাংবাদিকগৰাকীৰ মৃতদেহ প্ৰত্যক্ষ কৰে পৰিয়ালৰ লোকে । সাংবাদিক গৰাকীৰ মৃতদেহ এনেদৰে উদ্ধাৰ হোৱা ঘটনাই এতিয়া চাঞ্চল্যৰ সৃষ্টি কৰিছে । উক্ত ঘটনাক পৰিয়ালৰ লোকে হত্যাকাণ্ড বুলি সন্দেহ কৰিছে । আনহাতে, আৰক্ষীয়ে প্ৰাথমিক তদন্তত সাংবাদিকগৰাকীৰ আঁঠুত চোঁচৰাই নিলে হোৱাৰ দৰে দাগ প্ৰত্যক্ষ কৰিছে ।