গুৱাহাটী,16 জানুৱাৰীঃমহানগৰীৰ মণিৰাম দেৱান বাণিজ্যিক ক্ষেত্ৰত অনুষ্ঠিত হ'ব আন্তঃৰাষ্ট্ৰীয় বাণিজ্যিক সমাৰোহ । শুকুৰবাৰৰ পৰা তিনিদিনীয়া কাৰ্যসূচীৰে অনুষ্ঠিত হ'ব এই বাণিজ্যিক সমাৰোহ। বৃহস্পতিবাৰে এক সংবাদমেল সম্বোধন কৰি এই কথা সদৰী কৰে প্ৰাক্তন সাংসদ ভুৱনেশ্বৰ কলিতাই । সংবাদমেলত ছোমালিয়াৰ কৃষিমন্ত্ৰী আলি আব্দুললে ইছগৱে,নাইজেৰিয়াৰ সাংসদ লিমান এলহাদজি মহম্মদ আৰু আবুএ মাগৱাত উপস্থিত থাকে ৷
মণিৰাম দেৱানত আন্তঃৰাষ্ট্ৰীয় বাণিজ্যিক সমাৰোহ উল্লেখ্য যে,সমাৰোহত অসম তথা উত্তৰ-পূৰ্বাঞ্চৰ হস্ততাত বস্ত্ৰ শিল্পী আৰু বাঁহ বেতৰ উদ্যোগক আন্তঃৰাষ্ট্ৰীয় বজাৰ দিয়াৰ বাবে সুযোগ লাভ কৰিব । পৃথিৱীৰ প্ৰায় ৬০ খন দেশক আমন্ত্ৰণ জনাইছে এই বাণিজ্যিক সমাৰোহলৈ। অসমৰ যুৱক-যুৱতী সকলক বাণিজ্যৰ প্ৰতি আকৰ্ষিত কৰাৰ বাবে আয়োজন কৰা হৈছে এই সমাৰোহৰ । MSMEৰ উদ্যোগত অনুষ্ঠিত হ'ব এই আন্তঃৰাষ্ট্ৰীয় সন্মিলন। বৰ্তমানলৈ 32খন দেশৰ প্ৰতিনিধিয়ে অংশগ্ৰহণ কৰিব বুলি সদৰী কৰে উদ্যোতাসকলে ।
আৰু পঢ়কঃ ৰাজ্যবাসীলৈ ভোগালী বিহুৰ শুভেচ্ছা মুখ্যমন্ত্ৰীৰ
