লক ডাউনৰ বাবে ভাৰতীয় ৰে'ল বিভাগৰ বৃহৎ ক্ষতি

কৰ'ণাসৃষ্ট পৰিৱেশৰ বাবে দেশত স্তব্ধ হৈ আছে ৰে'ল সেৱা । ফলত প্ৰতিদিনেই বৃহৎ ক্ষতিৰ সম্নুখীন হৈছে ভাৰতীয় ৰে'ল বিভাগ ৷

গুৱাহাটী,11 আগষ্ট: কৰ'ণা সংক্ৰমণ ৰোধৰ বাবে চলিত বৰ্ষৰ মাৰ্চ মাহৰ পৰা বন্ধ হৈ আছে ৰে'ল সেৱা । যাৰ বাবে এক বৃহৎ ক্ষতিৰ সন্মূখীন হৈছে ভাৰতীয় ৰে'ল বিভাগ । তথ্য অনুসৰি লক ডাউনৰ পূৰ্বে প্ৰতিদিনেই উত্তৰ-পূৱ সীমান্ত ৰে'লৱেৰ অধীনত 250 খনকৈ ৰে'ল চলাচল কৰিছিল । এই সমহু ৰে'লযোগে প্ৰতিদিনেই প্ৰায় 2 লাখ যাত্ৰী আহ-যাহ কৰি আছিল । কিন্তু কৰ'ণাসৃষ্ট পৰিৱেশৰ বাবেই দেশত স্তব্ধ হৈ আছে ৰে'ল সেৱা । ফলত প্ৰতিদিনেই বৃহৎ ক্ষতিৰ সম্নুখীন হৈছে ভাৰতীয় ৰে'ল বিভাগ ৷ উত্তৰ-পূৱ সীমান্ত ৰে'লৱেৰ জনসম্পৰ্কৰক্ষী বিষয়া নৃপেন ভট্টাচাৰ্যই জনালে সবিশেষ তথ্য ৷

উল্লেখ্য যে, বৰ্তমান চৰকাৰৰ নিৰ্দেশ অনুসৰি অসমত 4 খন আৰু পশ্চিম বংগত 3 খনকৈ বিশেষ ৰে'ল চলাচল কৰি আছে । এই ৰে'লযোগে প্ৰতিদিনেই প্ৰায় 7 হাজাৰকৈ যাত্ৰীৰ আহ-যাহ চলি আছে। অৱশ্যে নিৰ্ধাৰিত এইকেইখন ৰে'লৰ বাহিৰে সকলো ৰে'ল বৰ্তমান বন্ধ হৈ আছে । ইয়াৰ পৰা অনুমান কৰিব পাৰি যে, লক ডাউনৰ বাবে এক বৃহৎ ক্ষতিৰ সন্মূখীন হৈছে ভাৰতীয় ৰে'ল বিভাগে।

লগতে পঢ়কঃ কামাখ্যা মন্দিৰৰ নামত ছ'চিয়েল মিডিয়া যোগে ধন সংগ্ৰহ দুষ্টচক্ৰৰ