খানাপাৰাত তিনিদিনীয়া স্বাধীনতা দিৱস !

সোমবাৰে খানাপাৰাৰ খেলপথাৰ পৰিদৰ্শন কৰে ৰাজ্যৰ মুখ্য সচিব আলোক কুমাৰ, জিলা উপায়ুক্ত বিশ্বজিৎ পেগু আৰু মহানগৰ আৰক্ষী আয়ুক্ত দীপক কুমাৰে ৷

গুৱাহাটী, 13 আগষ্ট: সমাগত স্বাধীনতা দিৱসকলৈ এতিয়া তৎপৰ হৈ পৰিছে চৰকাৰ তথা আৰক্ষী-প্ৰশাসন ৷ সমগ্ৰ ৰাজ্যৰ লগতে মহানগৰীতো পালন কৰা হ'ব ৭৩ সংখ্যক স্বাধীনতা দিৱস । এইবাৰ তিনিদিনীয়া কাৰ্যসূচীৰে মহানগৰীৰ খানাপাৰা পশু চিকিৎসা মহাবিদ্যালয় খেলপথাৰত কেন্দ্ৰীয়ভাৱে আয়োজন কৰা হৈছে স্বাধীনতা দিৱস ৷ ইতিমধ্যে প্ৰায় সম্পূৰ্ণ হৈছে অনুষ্ঠানটোৰ প্ৰস্তুতি ৷ সোমবাৰে খানাপাৰাৰ খেলপথাৰ পৰিদৰ্শন কৰে ৰাজ্যৰ মুখ্য সচিব আলোক কুমাৰ, জিলা উপায়ুক্ত বিশ্বজিৎ পেগু আৰু মহানগৰ আৰক্ষী আয়ুক্ত দীপক কুমাৰে ৷ স্বাধীনতা দিৱসৰ প্ৰস্তুতিৰ শেহতীয়া পৰিস্থিতিৰ বুজ লয় মুখ্য সচিবগৰাকীয়ে ৷ উল্লেখ্য যে, স্বাধীনতা দিৱস উপলক্ষে মঙলবাৰৰ পৰা স্কুল-কলেজসমূহত ছাত্ৰ-ছাত্ৰী সকলৰ মাজত অনুষ্ঠিত কৰা হ'ব বিভিন্ন প্ৰতিযোগিতা ৷