Water crisis in Guwahati: চৰম অনিশ্চয়তাত গুৱাহাটীৰ পানী যোগান প্ৰকল্পৰ কাম

এতিয়াও অসম্পূৰ্ণ হৈ আছে গুৱাহাটীৰ পানী যোগান প্ৰকল্পৰ কাম (Water supply projects in Guwahati still incomplete) । গুৱাহাটীবাসীৰ বাবে খোৱাপানীৰ সু-ব্যৱস্থা কৰাৰ উদ্দেশ্যেৰে আৰম্ভ কৰা চাৰিটা পানী যোগান প্ৰকল্পৰ কাম বৰ্তমানেও সম্পূৰ্ণ হোৱা নাই । চৰম দুৰ্নীতি আৰু অনিয়ম (Corruption and other irregularities)ৰ বাবে প্ৰকল্পকেইটাৰ কাম সম্পূৰ্ণ হোৱা নাই বুলি অভিযোগ উত্থাপিত হৈছে ।

গুৱাহাটী, ১ ডিচেম্বৰ: চৰম অনিশ্চয়তাৰে চলি আছে গুৱাহাটীৰ পানী যোগান প্ৰকল্পৰ কাম । গুৱাহাটীবাসীক ২৪ ঘণ্টাই খোৱাপানী যোগান ধৰাৰ বাবে যোৱা ৯-১০ বছৰৰ ধৰি চলি থকা চাৰিটা পানী যোগান প্ৰকল্পৰ কাম চৰম দুৰ্নীতি আৰু অনিয়মৰ বাবে এটাও প্ৰকল্প সম্পূৰ্ণ হোৱা নাই (water supply projects in Guwahati still incomplete) ) । ২০০৯-১০ চনত JNNURM আঁচনিৰ জৰিয়তে আৰম্ভ কৰা পশ্চিম গুৱাহাটী পানী যোগান প্ৰকল্পৰ কাম ২০১১-১২ চনত সম্পূৰ্ণ কৰাৰ লক্ষ্য নিৰ্ধাৰণ কৰা হৈছিল । আকৌ ২০১১-১২ চনত জাইকাৰ দ্য ইণ্টাৰনেশ্যনেল ক'অপাৰেচন এজেঞ্চিৰ পৰা ঋণ লৈ আৰম্ভ কৰা কেন্দ্ৰীয় গুৱাহাটী পানী যোগান প্ৰকল্পৰ কাম ২০১৩-১৪ চনত সম্পূৰ্ণ কৰাৰ লক্ষ্য নিৰ্ধাৰণ কৰা হৈছিল ।

অসম্পূৰ্ণ হৈ আছে গুৱাহাটীৰ পানী যোগান প্ৰকল্পৰ কাম

আনহাতে, ২০১৩-১৪ চনত এছিয়ান ডেভেলপমেণ্ট বেংকৰ পৰা ঋণ লৈ আৰম্ভ কৰা পূৱ গুৱাহাটী পানী যোগান প্ৰকল্পৰ কাম ২০৬-১৭ চনত সম্পূৰ্ণ কৰাৰ লক্ষ্য স্থিৰ কৰা হৈছিল(East Guwahati water project remained Incomplete) । ইফালে, ২০০১৪-১৫ চনত জাইকাৰ দ্য ইণ্টাৰনেশ্যনেল ক'অপাৰেচন এজেঞ্চিৰ পৰা ঋণ লৈ আৰম্ভ কৰা উত্তৰ গুৱাহাটী পানী যোগান প্ৰকল্পৰ কাম ২০১৭-১৮ চনত সম্পূৰ্ণ কৰাৰ লক্ষ্য নিৰ্ধাৰণ কৰা হৈছিল । উল্লেখ্য যে, গৃহ নিৰ্মাণ আৰু নগৰ পৰিক্ৰমা বিভাগে যোৱা ১৫ ছেপ্টেম্বৰত প্ৰকাশ কৰা এখন চাৰ্কুলাৰৰ মতে, ২০২৩ চনৰ ছেপ্টেম্বৰ মাহত কেন্দ্ৰীয় গুৱাহাটী পানী যোগান প্ৰকল্পৰ কাম সম্পূৰ্ণ কৰাৰ লক্ষ্য স্থিৰ কৰিছে । লগতে ২০২৩ চনৰ মাৰ্চ মাহত উত্তৰ গুৱাহাটী পানী যোগান প্ৰকল্পৰ কাম সম্পূৰ্ণ কৰাৰ লক্ষ্য নিৰ্ধাৰণ কৰিছে ।

অসম্পূৰ্ণ হৈ আছে গুৱাহাটীৰ পানী যোগান প্ৰকল্পৰ কাম

কিন্তু প্ৰকল্প দুটা সন্দৰ্ভত ভাৰত চৰকাৰ আৰু জাইকাৰ মাজত সম্পাদন হোৱা ঋণ চুক্তি মতে, ঋণ চুক্তিৰ ম্যাদ ২০২২ চনৰ জুলাইত শেষ হ'ব । ২০২২ চনৰ জুলাইত ঋণ চুক্তিৰ ম্যাদ শেষ হোৱাৰ পিছত জাইকাই প্ৰকল্প দুটাৰ বাবে নিৰ্ধাৰিত বাকী থকা ঋণ দিয়া বন্ধ কৰিব ।

ফলত এতিয়া কেন্দ্ৰীয় গুৱাহাটী আৰু উত্তৰ গুৱাহাটী প্ৰকল্প দুটাৰ কামত গভীৰ অনিশ্চয়তাই দেখা দিছে । আনহাতে, গুৱাহাটীবাসীয়ে বিশুদ্ধ খোৱাপানীৰ সুবিধা লাভৰ পৰা বঞ্চিত হৈছে(Water crisis in Guwahati city) । গুৱাহাটী মহানগৰৰ খোৱাপানী আৰু অনাময় পৰিষদৰ তথ্য মতে, কেন্দ্ৰীয় গুৱাহাটী পানী যোগান প্ৰকল্পটোৰ কাম এতিয়ালৈকে ৬০ শতাংশহে সম্পূৰ্ণ হৈছে আৰু উত্তৰ গুৱাহাটী প্ৰকল্পৰ কাম ৩০ শতাংশ হৈছে । কেন্দ্ৰীয় আৰু উত্তৰ গুৱাহাটী পানী যোগান প্ৰকল্প দুটাৰ পানীৰ পাইপ বহুওৱাৰ কাম তিনি বছৰ ধৰি বন্ধ হৈ আছে ।

আনহাতে, গৃহ নিৰ্মাণ আৰু নগৰ পৰিক্ৰমা বিভাগে ২০২৩ চনৰ ছেপ্টেম্বৰত সম্পূৰ্ণ কৰাৰ লক্ষ্য স্থিৰ কৰা পূৱ গুৱাহাটী পানী যোগান প্ৰকল্পৰ কাম এতিয়ালৈকে ২০ শতাংশহে হৈছে । এছিয়ান ডেভেলপমেণ্ট বেংকে দুবছৰ পূৰ্বে অনিয়মৰ বাবে প্ৰকল্পটোৰ বাবে নিৰ্ধাৰণ কৰা ঋণ দিয়া বন্ধ কৰি দিয়াৰ বাবে প্ৰকল্পটোৰ কাম দুবছৰ ধৰি বন্ধ হৈ আছে । ইপিনে গৃহ নিৰ্মাণ আৰু নগৰ পৰিক্ৰমা বিভাগে ২০২২ চনৰ ৩১ ডিচেম্বৰত সম্পূৰ্ণ কৰিম বুলি পৰিকল্পনা কৰা পশ্চিম গুৱাহাটী প্ৰকল্পৰ বহু কাম আধৰুৱা হৈ আছে ।

গুৱাহাটী মহানগৰৰ উন্নয়ন কৰ্তৃপক্ষই এই প্ৰকল্পটো ৰূপায়ণ কৰি থকা গেমন ইণ্ডিয়াক ১০০ কোটি টকা দিবলৈ আছে । যাৰ বাবে গেমন ইণ্ডিয়াই লেহেমীয়া গতিৰে প্ৰকল্পটোৰ কাম কৰি আছে । মনকৰিবলগীয়া যে, গুৱাহাটী পানী যোগান প্ৰকল্পৰ নামত সংঘটিত বিত্তীয় অনিয়ম আৰু দুৰ্নীতিৰ বিৰুদ্ধে গুৱাহাটীৰ চিৰিয়াখানা পথ নাগৰিক সংস্থাই গুৱাহাটী উচ্চ ন্যায়ালয়ত ৰাজহুৱা গোচৰ তৰিছে । বৰ্তমান এই গোচৰটো ন্যায়ালয়ত বিচাৰাধীন হৈ আছে ।


লগতে পঢ়ক:ৰাজ্যত বন্ধ হৈ যাব নেকি দুখীয়াৰ চাউল ?