নিউজ ডেস্ক, 26 মাৰ্চ :শনিবাৰে অসম বিধান সভা নিৰ্বাচনৰ প্ৰথম পৰ্যায়ৰ ভোটগ্ৰহণ ৷ ইতিমধ্যে কটকটীয়া নিৰাপত্তাৰ মাজেৰে সাজু হৈছে 12 খন জিলাৰ 47 টা সমষ্টিৰ ভোট গ্ৰহণ কেন্দ্ৰসমূহ ৷ প্ৰথম পৰ্যায়ৰ ভোট গ্ৰহণৰ প্ৰতি লক্ষ্য ৰাখি আঞ্চলিক বতৰ বিজ্ঞান কেন্দ্ৰই প্ৰকাশ কৰিছে কিছু তথ্য ৷
শনিবাৰে অসমৰ বতৰ কেনে থাকিব ?
বতৰ বিজ্ঞান কেন্দ্ৰৰ তথ্য অনুসৰি অহা 24 ঘণ্টাত অসমকে ধৰি অৰুণাচল প্ৰদেশত বৰষুণ হোৱাৰ সম্ভাৱনা আছে । আজিৰে পৰা আগন্তুক ৫ দিনলৈ অসমৰ কিছু কিছু ঠাই বিশেষে দুই এজাক পাতলীয়া বৰষুণ অহাৰ সম্ভাৱণা আছে ।