গুৱাহাটী, ১৪ আগষ্ট:গুৱাহাটী মহানগৰীৰ হোটেল লেণ্ডমাৰ্কক লৈ বিতৰ্কৰ অন্ত নাই(Hotel landmark owner arrested)। এইবাৰ হোটেলখনৰ স্বত্বাধিকাৰীয়ে মাৰধৰ কৰা ঘটনাত জড়িত থকাৰ অভিযোগ উত্থাপিত হৈছে । এনে অভিযোগৰ পিছতে পল্টনবজাৰ আৰক্ষীয়ে গ্ৰেপ্তাৰ কৰে হোটেল লেণ্ডমাৰ্কৰ স্বত্বাধিকাৰী দীপাংকৰ বৰুৱাক । কমল শৰ্মা নামৰ ঠিকাদাৰ গৰাকীয়ে দিয়া গোচৰৰ ভিত্তিত গ্ৰেপ্তাৰ কৰা হয় দীপাংকৰ বৰুৱাক।
হোটেল লেণ্ডমাৰ্কৰ স্বত্বাধিকাৰীক গ্ৰেপ্তাৰ
ব'ৰ্ড অৱ স্প'ৰ্টছ(Board of sports) আৰু হোটেল লেণ্ডমাৰ্কৰ সংঘাত চলি থকাৰ মাজতেই মাৰধৰ কৰা ঘটনাত জড়িত থকাৰ অভিযোগত গ্ৰেপ্তাৰ হোটেলখনৰ স্বত্বাধিকাৰী দীপাংকৰ বৰুৱা । ইতিমধ্য়ে ঘটনা সন্দৰ্ভত পল্টনবজাৰ আৰক্ষী থানাত ৰুজু কৰা হৈছে গোচৰ ।
হোটেল লেণ্ডমাৰ্কৰ স্বত্বাধিকাৰীক গ্ৰেপ্তাৰ
ঘটনাৰ বিৱৰণী অনুসৰি যোৱা নিশা অধিক মদ্যপান কৰি মাৰধৰৰ ঘটনাত লিপ্ত হৈছিল প্ৰতিষ্ঠিত ব্যৱসায়ীগৰাকী । উল্লেখ্য় যে ১৩ আগষ্টৰ নিশা লেণ্ডমাৰ্ক হোটেলৰ পিছফালৰ দেৱাল ভাঙি দিছিল ব'ৰ্ড অৱ স্প'ৰ্টছৰ কমল শৰ্মা নামৰ ঠিকাদাৰগৰাকীৰ কৰ্মচাৰীয়ে । সেই সময়ত তেওঁলোকক বাধা প্ৰদান কৰে দীপাংকৰ বৰুৱাই । অভিযুক্ত বৰুৱাই দেৱাল ভঙা লোকক মাৰপিত কৰাৰ লগতে এক্সাভেটৰ আদি ভাঙি দিয়া অভিযোগ উত্থাপিত হৈছে । এই হোটেলখনৰ লীজক কেন্দ্ৰ কৰি ইতিমধ্যে গুৱাহাটী উচ্চ ন্যায়ালয়ত চলি আছে গোচৰ । কিন্তু তাৰ পিছতো ব'ৰ্ড অৱ স্প'ৰ্টছে কিয় দেৱাল ভাঙিলে সেই লৈ ৰহস্যৰ সৃষ্টি হৈছে । আনহাতে, এই বিষয়টো সন্দৰ্ভত পল্টন বজাৰ আৰক্ষী আৰু ব'ৰ্ড অৱ স্প'ৰ্টছে মন্তব্য় দিয়াৰ পৰা বিৰত আছে ।