ৰাম মন্দিৰে আনন্দিত কৰি তুলিছে গুৱাহাটীৰ এগৰাকী মহিলাক
গুৱাহাটী, 27 ডিচেম্বৰ : 22 জানুৱাৰীত অযোধ্যাত মুকলি কৰা হ’ব বহু প্ৰত্যাশিত ৰাম মন্দিৰ ৷ সমগ্ৰ দেশৰ ভিন্নজনৰ লগতে ৰাম মন্দিৰ পুনৰ নিৰ্মাণে আত্মহাৰা কৰি তুলিছে গুৱাহাটীৰ এগৰাকী বয়োজ্যেষ্ঠাক । প্ৰায় 40 বছৰ পূৰ্বতে ৰাম মন্দিৰ দৰ্শন কৰিবলৈ যোৱা তাৰা দেৱী শৰ্মা এতিয়া সুখী মন্দিৰটো পুনৰনিৰ্মাণ কৰি ভক্তসকললৈ আগবঢ়াই দিয়াৰ বাবে ৷
উল্লেখ্য যে প্ৰায় 40 বছৰ পূৰ্বেই মহিলাগৰাকী অযোধ্যালৈ গৈছিল তীৰ্থযাত্ৰী হিচাবে ৷ অযোধ্যাৰ পৰা স্মৃতি হিচাবে লৈ আনিছিল পানীত উপঙি থকা এটা শিল, যিটো শিলক তেতিয়াৰে পৰা পূজা কৰি আহিছে মহিলাগৰাকীৰ লগতে তেওঁৰ পৰিয়ালৰ লোকে ৷ ইয়াৰোপৰি ৰাম মন্দিৰৰ পৰা অনা ভূমি শিৰত লৈ অহাৰ লগতে আৰু পানী ব্যৱহাৰ কৰি আহিছে মাংগলিক কাম-কাজত ৷ কোনো শুভ কামৰ বাবে আগবঢ়াৰ সময়তো পৰিয়ালটোৰ লোকসকলে সেৱন কৰে ৰাম মন্দিৰৰ পৰা লৈ অনা পানী ৷