দুমাহ পাঠদান অনুষ্ঠিত হোৱাৰ পাছতহে পৰীক্ষা অনুষ্ঠিত কৰক

বিশ্ববিদ্যালয় খোলাৰ পাছত অন্তত দুমাহ পাঠদান অনুষ্ঠিত হোৱাৰ পাছতহে পৰীক্ষা অনুষ্ঠিত কৰিবলৈ আহ্বান জনাই গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাৰ সাধাৰণ সম্পাদক মুন তালুকদাৰে ৷

গুৱাহাটী, 26 এপ্ৰিল: কৰ'ণা মহামাৰীৰ সন্ত্ৰাসৰ বাবে দেশজুৰি লক ডাউন বাহাল থকাৰ বাবে বন্ধ হৈ আছে দেশৰ লগতে ৰাজ্যৰ সকলো শিক্ষানুষ্ঠান ৷ কিন্তু এই আতংকৰ সময়ছোৱাতো দেশৰ বহু শিক্ষানুষ্ঠানৰ দৰে গুৱাহাটী বিশ্ববিদ্যালয়েও আৰম্ভ কৰিছে অনলাইন ক্লাছ ৷ কিন্তু এই অনলাইন ক্লাছ আসোঁৱাহ পূৰ্ণ হোৱাৰ লগতে ইয়াৰ দ্বাৰা সকলো ছাত্র-ছাত্ৰী সংযোগ হ'ব পৰা নাই বুলি মন্তব্য গুৱাহাটী বিশ্ববিদ্যালয়ৰ ছাত্র একতা সভাৰ সাধাৰণ সম্পাদক মুন তালুকদাৰৰ ৷

অসমৰ অতিকৈ গুৰুত্বপূৰ্ণ বিশ্ববিদ্যালয় খনৰ ছাত্র একতা সভাৰ সাধাৰণ সম্পাদক গৰাকীয়ে মন্তব্য কৰে যে,"বিশ্ববিদ্যালয় অনুদান আয়োগে অনলাইন ক্লাছৰ দ্বাৰা যি পৰীক্ষা অনুষ্ঠিত কৰিব বিচাৰিছে আমি ইয়াৰ বিৰোধিতা কৰো" ৷ বিশ্ববিদ্যালয় খোলাৰ পাছত অন্তত দুমাহ পাঠদান অনুষ্ঠিত হোৱাৰ পাছতহে পৰীক্ষা অনুষ্ঠিত কৰিবলৈ আহ্বান জনাই গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাৰ সাধাৰণ সম্পাদক মুন তালুকদাৰে ৷

লগতে পঢ়কঃ মাদাৰ অল্ড এজ হ'মতঃ মুখ্যমন্ত্ৰী সৰ্বানন্দ সোণোৱাল