নিউজ ডেস্ক, 30 জুনঃ ইতিহাসত প্ৰথমবাৰৰ বাবে ঘৰৰ পৰাই চাহ ক্ৰয় কৰিব ক্ৰেতাই ৷ বিশ্বৰ শেহতীয়া পৰিস্থিতিৰ প্ৰতি লক্ষ্য ৰাখি প্ৰায় সৰহ সংখ্যক প্ৰতিষ্ঠানে Work from home ৰ জৰিয়তে কাম-কাজ অব্যাহত ৰাখিছে ৷ এই পৰিপ্ৰেক্ষিতত Work from home ৰ সিদ্ধান্ত গুৱাহাটী চাহ নিলাম কেন্দ্ৰৰো ৷ 1 জুলাইত গুৱাহাটী চাহ নিলাম কেন্দ্ৰত অনুষ্ঠিত হ'বলগীয়া নিলামত ক্ৰেতাই Work from home ৰ জৰিয়তে অংশগ্ৰহণ কৰিব ৷ গতিকে ঘৰত বহিয়ে চাহ কিনা-বেচাৰ বাবে সাজু হৈছে চাহ নিলাম কেন্দ্ৰ ৷ পূৰ্বতে কাহানিও এনে পৰিস্থিতিৰ সন্মুখীন নোহোৱা চাহ নিলাম কেন্দ্ৰৰ প্ৰতিজন কৰ্মচাৰী, মধ্যভোগীৰ লগতে ক্ৰেতাসকল ৷
গুৱাহাটী চাহ নিলাম কেন্দ্ৰ লগতে পঢ়কঃআদালতত প্ৰত্যাহ্বান জনাব পাৰিব নিষিদ্ধঘোষিত চীনা এপে
এই সময়ছোৱাত বিগত বৰ্ষত চেল নম্বৰ 13 ৰ পৰা 26 লৈ চাহৰ মূল্য 148 টকা আছিল যদিও এই সময়ছোৱাত চেল নম্বৰ 13 ৰ পৰা 26 লৈ চাহৰ মূল্য 225 টকা বৃদ্ধি হৈছে ৷ পূৰ্বৰ সপ্তাহত সপ্তাহ চেল নম্বৰ 26 ৰ চাহৰ মূল্য 265 লৈ বৃদ্ধি পায়গৈ ৷ Work from home ৰ জৰিয়তে নতুন অভিলেখ গঢ়াৰ বাবে প্ৰতিশ্ৰুতিবদ্ধ হৈছে উদ্যোগীসকল ৷ বুধবাৰে পুৱা 9 বজাত চেল নম্বৰ 27 ৰ আৰম্ভণী হ'ব ৷ ইয়াত 4.55 মিলিয়ন কেজি চাহ প্ৰিন্ট কৰা হ'ব ৷ ইয়াত প্ৰায় 180 জন ক্ৰেতাই যোগদান কৰাৰ আশা প্ৰকাশ কৰিছে চাহ নিলাম কতৃপক্ষই ৷
গুৱাহাটী চাহ নিলাম কেন্দ্ৰ (Guwahati Tea Auction Centre) হৈছে মূলতঃ অসমত উৎপাদিত চাহপাত বিক্ৰী কৰিবলৈ স্থাপন কৰা নিলাম কেন্দ্ৰ । অসমৰ উদ্যোগ মন্ত্ৰী চন্দ্ৰমোহন পাটোৱাৰীয়ে বিধানসভাত জনোৱামতে অসমত প্ৰতি বছৰে ৬৫০ মিলিয়ন কেজি চাহ উৎপাদন হয় আৰু তাৰে এক তৃতীয়াংশ চাহপাত গুৱাহাটী চাহ নিলাম কেন্দ্ৰৰ জৰিয়তে বিক্ৰী হয় । কিন্তু কভিদৰ কবলত পৰি অত্যাধিক লোকচানৰ সন্মুখীন হৈছে অসমৰ চাহ উদ্যোগ ৷ ফলশ্ৰুতিত GTAC য়ে Work from home ৰ জৰিয়তে সংকটক প্ৰত্যহ্বান জনাই 1 জুলাইত অতি উন্নত মানদণ্ডৰ তথা অত্যাধিক চাহ বিক্ৰীৰ আশা প্ৰকাশ কৰিছে ৷
