গুৱাহাটী, 28 আগষ্ট: মুকলিৰ দুদিনৰ পাছতে বিকল হ'ল বহু প্ৰত্যাশিত গুৱাহাটী-উত্তৰ গুৱাহাটী সংযোগী ৰ'পৱে সেৱা ৷ সোমবাৰ অৰ্থাৎ 24 আগষ্ট তাৰিখে মন্ত্ৰী ড৹ হিমন্ত বিশ্ব শৰ্মা আৰু মন্ত্ৰী সিদ্ধাৰ্থ ভট্টাচাৰ্যই আনুষ্ঠানিকভাৱে মুকলি কৰিছিল ৰ'পৱে সেৱা ৷ কিন্তু মুকলি হোৱাৰ দুদিন পিছতে বুধবাৰে হঠাৎ আধাতে বন্ধ হৈ পৰিছিল ৰ'পৱে ৷ আৰু তেতিয়াৰে পৰা অনিৰ্দিষ্টকাললৈ বন্ধ কৰা হৈছে ৰ'পৱে সেৱা । এই ঘটনাই যেন পুনৰ স্বৰূপ উদঙালে মন্ত্ৰী সিদ্ধাৰ্থ ভট্টাচাৰ্যৰ অধীনষ্ঠ গুৱাহাটী উন্নয়ন বিভাগৰ প্ৰকৃত স্বৰূপ ৷ বিশেষ পৰিকল্পনা নোহোৱাকৈ খৰ খেদাকৈ মুকলি কৰা ৰ'পৱে সেৱা যেন কেৱল নিৰ্বাচনৰ পূৰ্বে জোৰা তাপলি মাৰি ৰাইজৰ পৰা বা বা লোৱাৰ এক চমকহে আছিল সেইয়া বৰ্তমান স্পষ্ট হৈ পৰিছে ৷
নিৰ্বাচনী চমক সৃষ্টিৰ বাবেই আছিল নেকি ৰ'পৱে সেৱা !