খানাপাৰাত 'গুৱাহাটী মাৰাথন'ৰ প্ৰম’ ৰাণ

১ মাৰ্চত মহানগৰীত অনুষ্ঠিত হ'ব গুৱাহাটী মাৰাথন ৷ গুৱাহাটী মাৰাথনৰ প্ৰাকক্ষণত প্ৰম’ ৰাণ অনুষ্ঠিত কৰা হয় শনিবাৰে পুৱা ৷ আচমাকাম ফাউণ্ডেশ্যন নামৰ এক বেচৰকাৰী সন্থাই আয়োজন কৰা গুৱাহাটী মাৰাথন নিশা অনুষ্ঠিত হ’বলগীয়া প্ৰথমটো মাৰাথন হিচাপে পৰিচিত হৈছে ।

গুৱাহাটী,22 ফেব্ৰুৱাৰীঃ শনিবাৰে মহানগৰীৰ পশু চিকিৎসা মহাবিদ্যালয় খেলপথাৰৰ সন্মুখত আয়োজন কৰা হয় গুৱাহাটী মাৰাথনৰ প্ৰম’ ৰাণ । ১ মাৰ্চত মহানগৰীত অনুষ্ঠিত হ'ব গুৱাহাটী মাৰাথন ৷ পুৱা ৬ বজাত অনুষ্ঠিত গুৱাহাটী মাৰাথনৰ প্ৰম’ ৰাণত দেখিবলৈ পোৱা যায় মহানগৰবাসীৰ উৎসাহ । শতাধিক পুৰুষ-মহিলা, যুৱক-যুৱতীৰ লগতে প্ৰম’ ৰাণত অংশগ্ৰহণ কৰে সত্তোৰোৰ্ধৰ লোকেও ৷ আচমাকাম ফাউণ্ডেশ্যন নামৰ এক বেচৰকাৰী সন্থাই আয়োজন কৰা গুৱাহাটী মাৰাথন নিশা অনুষ্ঠিত হ’বলগীয়া প্ৰথমটো মাৰাথন ।

উল্লেখ্য যে, দেশৰ ভিন্ন প্ৰান্তৰ লগতে বিদেশৰ বহুকেইজন প্ৰতিযোগীয়ে অংশগ্ৰহণ কৰিব এই কাৰ্যসূচীত । তিনিটা ভাগত বিভক্ত গুৱাহাটী মাৰাথনত ১২.৫ লাখ টকাৰ পুৰস্কাৰ প্ৰদান কৰা হ'ব ৷ খেলৰ প্ৰতি আগ্ৰহী লোকসকলক উৎসাহিত কৰিবলৈ আচমাকাম ফাউণ্ডেশ্যনে এই অনুষ্ঠান আয়োজন কৰে ৷ গুৱাহাটী মাৰাথনত অসম আৰক্ষীৰ কেইবাজনো বিষয়া জড়িত হৈ আছে ৷ মুখ্য কাৰ্যসূচীত কেইবাজনো বিখ্যাত খেলুৱৈৰ লগতে উপস্থিত থাকিব বলিউডৰ অভিনেত্ৰী য়ামী গৌতম ।

লগতে চাওকঃমৰিগাঁৱৰ দেওশাল শিৱ মন্দিৰত মহা শিৱৰাত্ৰি