গুৱাহাটীত ভূমিস্খলনে প্ৰাণ ল'লে এজনৰ

মহানগৰীৰ গড়চুক কটাহবাৰীত ভূমিস্খলনৰ ফলত এজন নিহত হোৱাৰ লগতে গুৱাহাটীৰ পাৰ্শ্বৱৰ্তী যোৰাবাট অঞ্চলত আহত এজন ।

গুৱাহাটী,১০ জুলাইঃ মহানগৰীৰ গড়চুক কটাহবাৰীত ভূমিস্খলন। ভূমিস্খলনৰ ফলত নিহত হয় নাৰায়ণ চাহ নামৰ এজন লোক। নেৰানেপেৰা বৰষুণৰ ফলত পাহাৰৰ পৰা বৃহৎ বৃহৎ শিল খহি আহি নাৰায়ণ চাহৰ বাসগৃহত পৰে। ততাতৈয়াকৈ নাৰায়ণ চাহ নামৰ লোকজনক সংকটজনক অৱস্থাত গুৱাহাটী চিকিৎসালয় মহাবিদ্যালয়লৈ প্ৰেৰণ কৰা হয় যদিও চিকিৎসালয়তে মৃত্যুবৰণ কৰে লোকজনে। সম্প্ৰতি সমগ্ৰ ঘটনাক লৈ আতংকিত সমগ্ৰ গড়চুকবাসী । ইয়াৰোপৰি মঙলবাৰে দুপৰীয়া যোৰাবাটত হোৱা ভূমিস্খলনত এজন বৃদ্ধ লোক গুৰুতৰভাৱে আহত হৈ সম্প্ৰতি জি এম চি এইচত চিকিৎসাধীন হৈ আছে ।