পত্নীক হত্যা কৰি বস্তাত ভৰাই লুকুৱাই থৈ পলায়ন স্বামীৰ

মহানগৰীৰ হাতীগাঁৱত সংঘটিত হৈছে এক চাঞ্চল্যকৰ হত্যাকাণ্ড ৷ এসাঁজ ভাতৰ কাৰণেই স্বামীয়ে হত্যা কৰিলে পত্নীক ৷

গুৱাহাটী,18 জানুৱাৰী : এক চাঞ্চল্যকৰ হত্যাকাণ্ডই জোঁকাৰি গৈছে মহানগৰী গুৱাহাটীৰ হাতীগাঁও ৷ এসাঁজ ভাতৰ কাৰণেই স্বামীয়ে হত্যা কৰিলে পত্নীক ৷ হত্যাকাণ্ড সংঘটিত কৰি মৃত পত্নীক বস্তাত বান্ধি বিচনাৰ তলত লুকুৱাই থৈ পলায়ন কৰে অভিযুক্ত স্বামীয়ে ৷

উল্লেখ্য যে, হাতীগাঁৱৰ লক্ষ্মীনাথ বেজবৰুৱা পথৰ ৪নং উপপথত ময়নুল হক নামৰ লোকজনৰ বিৰুদ্ধে পত্নীক হত্যা কৰাৰ অভিযোগ উঠিছে ৷ আব্দুল ৰুফ নামৰ এজন ব্যক্তিৰ ঘৰত ভাড়াতীয়া হিচাপে আছিল পৰিয়ালটো ৷ হত্যাকাণ্ড সংঘটিত কৰি পলায়ন কৰে ময়নুল হকে ৷ ইতিমধ্যে ময়নুল হকক বিচাৰি হাতীগাঁও আৰক্ষীয়ে আৰম্ভ কৰিছে অভিযান ৷

লগতে পঢ়ক-কলগাছিয়াত ম'ৰেল পুলিচৰ ঘটনাঃ বিধৱা মহিলাক ৰছীৰে বান্ধি মাৰপিট