গুৱাহাটী, 22 ডিচেম্বৰ : বৰ্তমানো ৰাজ্যত অব্যাহত আছে নিষিদ্ধ ড্ৰাগছৰ ৰমৰমীয়া বেহা। এতিয়া ড্ৰাগছৰ বৃহৎ ঘাটিলৈ পৰিণত হৈছে গুৱাহাটী মহানগৰী। মঙলবাৰে মহানগৰীৰ ISBTত গড়চুক আৰক্ষী আৰু ক্ৰাইম ব্ৰাঞ্চে এক ড্ৰাগছ বিৰোধী অভিযান চলায় ৷ এই অভিযানত জব্দ হয় বৃহৎ পৰিমাণ ড্ৰাগছ ৷ উক্ত অভিযানত আটক হয় এটা ড্ৰাগছ সৰবৰাহকাৰীও। ধৃত সৰবৰাহকাৰীটোৰ নাম ছাহাবুদ্দিন কাজী বুলি জানিব পৰা গৈছে।
মহানগৰীত বৃহৎ পৰিমাণৰ ড্ৰাগছসহ সৰবৰাহকাৰী গ্ৰেপ্তাৰ
মহানগৰীৰ ISBTত গড়চুক আৰক্ষী আৰু ক্ৰাইম ব্ৰাঞ্চে এক ড্ৰাগছ বিৰোধী অভিযান চলায় ৷ এই অভিযানত জব্দ হয় বৃহৎ পৰিমাণ ড্ৰাগছ ৷ উক্ত অভিযানত আটক হয় এটা ড্ৰাগছ সৰবৰাহকাৰীও।
মহানগৰীত বৃহৎ পৰিমাণৰ ড্ৰাগছসহ সৰবৰাহকাৰী গ্ৰেপ্তাৰ
আটকাধীন ছাহাবুদ্দিনৰ পৰা প্ৰায় ২০ লাখ টকা মূল্যৰ নিষিদ্ধ ড্ৰাগছ উদ্ধাৰ কৰে অভিযানকাৰী দলটোৱে ৷ বদৰপুৰৰ পৰা AS10C5456 নম্বৰৰ বাছত ড্ৰাগছখিনি লৈ আহিছিল লোকজনে ৷ আৰক্ষী আৰু ক্ৰাইম ব্ৰাঞ্চে এক গোপন সূত্ৰৰ পম খেদি বাছখনত তালাচী চলাওতেই উদ্ধাৰ হয় ড্ৰাগছখিনি।
ইফালে সোধপোছ বাবে বাছখনৰ চালক আৰু হেণ্ডিমেনক আটক কৰিছে আৰক্ষীয়ে ৷ সম্প্ৰতি ঘটনা সন্দৰ্ভত এটা গোচৰ ৰুজু কৰি তদন্ত আগবঢ়াইছে গড়চুক আৰক্ষীয়ে ।
লগতে পঢ়ক: বিটিআৰ পৰিষদীয় চৰকাৰ গঠন সন্দৰ্ভত হাগ্ৰামা মহিলাৰীৰ সংবাদমেল