গুৱাহাটী, 1 নৱেম্বৰ: চানমাৰী আৰক্ষীৰ জালত ভুৱা কল চেন্টাৰৰ মাষ্টাৰমাইণ্ড ৰাজন ছিদানা । এইবাৰ ভুৱা কল চেণ্টাৰৰ মাষ্টাৰ মাইণ্ড ৰাজন ছিদানাৰ সন্মুখত আন এক বিপদ । মেঘালয়ৰ এগৰাকী যুৱতীৰ অপমৃত্যু সংক্ৰান্তত চানমাৰী আৰক্ষীয়ে গ্রেপ্তাৰ কৰিছে ৰাজন ছিদানাক ।
ৰাজন ছিদানাৰ লগতে গ্রেপ্তাৰ কৰা হৈছে মহেন্দ্ৰ চান্দ নামৰ আন এজন যুৱকক । ঘটনা অনুসৰি মহানগৰীৰ আৰক্ষীয়ে 8 টা ভুৱা কল চেন্টাৰ উৎখাত কৰি 52 জনকৈ লোকক গ্ৰেপ্তাৰ কৰিছিল । ইয়াৰ পিছতে ৰাজন ছিদানাৰ কল চেন্টাৰত কৰ্মৰত মেঘালয়ৰ এগৰাকী যুৱতীয়ে বামুণীমৈদানৰ
সোৱণশিৰি এপার্টমেণ্টৰ ষষ্ঠ মহলাৰ পৰা জপিয়াই আত্মহত্যা কৰিছিল ।
এপার্টমেণ্টটোৰ যিটো ফ্লেটত যুৱতীগৰাকীয়ে বাস কৰিছিল সেই ফ্লেটটো ৰিয়েল ইষ্টেটৰ পৰা ভাড়াত লৈছিল মহেন্দ্ৰ চান্দে । সেই ফ্লেটটোত প্রায়ে নিশা কটাইছিল ৰাজন আৰু মহেন্দ্ৰ চান্দে । যুৱতীগৰাকীৰ আত্মহত্যা সন্দৰ্ভত চানমাৰি থানত 353/23 নম্বৰত এটা গোচৰ ৰুজু হৈছিল । সেই গোচৰটোত পুনৰ জেলৰ পৰা গ্ৰেপ্তাৰ কৰা হৈছে ৰাজন ছিদানা আৰু মহেন্দ্ৰ চান্দক ।