চীনত অনুষ্ঠিত ডবা খেলত অসম সন্তানৰ জয়যাত্ৰা

বিশেষ প্ৰশিক্ষক অবিহনেই অনলাইনযোগে অনুশীলন কৰি প্ৰতিযোগিতা খনত সপ্তম স্থান দখল কৰিলে মহানগৰীৰ আদাবাৰী তিনি আলীৰ খেলুৱৈ জনে

গুৱাহাটী,4 ছেপ্তেম্বৰ: অসমৰ ক্ৰীড়া জগতলৈ পুনৰ এক সুখবৰ ৷ চীনত অনুষ্ঠিত world cadets chess championship ত উজ্বলিল গুৱাহাটীৰ কণমানি শিশু ৷ শিশুজনৰ নাম মায়াং চক্ৰৱৰ্তী ৷ বিশেষ প্ৰশিক্ষক অবিহনেই অনলাইনযোগে অনুশীলন কৰি প্ৰতিযোগিতা খনত সপ্তম স্থান দখল কৰিলে মহানগৰীৰ আদাবাৰী তিনি আলীৰ খেলুৱৈ জনে ৷ উল্লেখ্য যে ৫৫ খন দেশৰ মুঠ ১৩৭ গৰাকী প্ৰতিযোগীয়ে অংশগ্ৰহণ কৰিছিল এই আন্তঃৰাষ্ট্ৰীয় ডবা চেম্পিয়ন শ্বীপৰ ১০বছৰ অনুৰ্ধৰৰ শাখাত ৷ য'ত ভাৰতক প্ৰতিনিধিত্ব কৰি তালিকাৰ সপ্তম স্থান দখল কৰে মায়াং চক্ৰৱৰ্তীয়ে। ইতিমধ্যেই বহু ৰাজ্যিক আৰু ৰাষ্ট্ৰীয় পৰ্যায়ৰ ডবা প্ৰতিযোগিতাত শ্ৰেষ্ঠত্ব অৰ্জন কৰিবলৈ সক্ষম হৈছে শিশুটিয়ে ৷ এই আন্তঃৰাষ্ট্ৰীয় পৰ্যায়ত অংশগ্ৰহণ কৰিবলৈ পাই উৎফুল্লিত মায়াং চক্ৰৱৰ্তীৰ লগতে পৰিয়ালবৰ্গ ৷