ছয় নং দফাৰ প্ৰতিবেদনৰ নামত খিলঞ্জীয়াক চৰকাৰৰ মহা প্ৰবঞ্চনাঃ উপমন্যু

বিগত, 2019 বৰ্ষৰ ২১ ডিচেম্বৰত তীব্ৰ গতিত চলি থকা CAA আন্দোলন স্তিমিত কৰিবলৈকে ৰাজ্যিক কেবিনেট বৈঠকৰ পাছত ড৹ হিমন্ত বিশ্ব শৰ্মাই কৈছিল যে, আগন্তুক বিধানসভা অধিবেশনত খিলঞ্জীয়াক সুৰক্ষিত কৰিবলৈ ভূমি অধিকাৰ প্ৰদান কৰা হ'ব । ড৹ হিমন্ত বিশ্বই স্পষ্ট ভাৱে উল্লেখ কৰিছিল যে, এই প্ৰস্তাৱিত আইন অনুসৰি ভূমি কিনা-বেচা একমাত্ৰ খিলঞ্জীয়াৰ মাজত হে হ'ব ।

গুৱাহাটী, ২৩ ছেপ্টেম্বৰঃ " বৰ্তমান ৰাজ্যিক বিজেপি চৰকাৰ আৰু খিলঞ্জীয়া নেতাই ৬ নং দফা কমিটি আৰু প্ৰতিবেদন লৈ এখন নাটক ৰচিছে- কেৱল খিলঞ্জীয়াক প্ৰবঞ্চনা কৰি আগন্তুক নিৰ্বাচনত ভোট ল'বলৈ । প্ৰতিবেদনত খিলঞ্জীয়াক সুৰক্ষিত কৰিবলৈ দিয়া প্ৰস্তাৱৰ ভিতৰত এনেকুৱা প্ৰস্তাৱ আছে যি প্ৰস্তাৱ কাৰ্যকৰি কৰাৰ ক্ষমতা কেৱল আৰু কেৱল মাত্ৰ ৰাজ্য চৰকাৰ আৰু বিধানসভাৰ, তাত কেন্দ্ৰৰ না কোনো ক্ষমতা আছে না ভূমিকা ।" এই বিস্ফোৰক মন্তব্য উচ্চতম ন্যায়ালয়ৰ জ্যেষ্ঠ অধিবক্তা উপমন্যু হাজৰিকাৰ ।

হাজৰিকাই বুধবাৰে আৰু কয় - " সৰ্বানন্দ সোণোৱাল, হিমন্ত বিশ্ব শৰ্মা আদিয়ে কেন্দ্ৰীয় চৰকাৰলৈ প্ৰতিবেদন কাৰ্যকৰী কৰা সমস্ত দায়িত্ব ঠেলি দিছে । য'ত নেকি খিলঞ্জীয়াক ভূমি অধিকাৰ প্ৰদান কৰাৰ সম্পূৰ্ণ ক্ষমতা আৰু দায়িত্ব অসম বিধানসভা আৰু ৰাজ্য চৰকাৰৰ । সংবিধান আৰু আইন অনুসৰি এই ক্ষেত্ৰত কেন্দ্ৰীয় চৰকাৰৰ আৰু সংসদৰ কোনো ভূমিকা আৰু কৰণীয় নাই । 2020 চনৰ ফেব্ৰুৱাৰীত প্ৰদান কৰা কমিটিৰ প্ৰতিবেদনৰ ৫৭ ৰ পৰা ৫৯ নং পৃষ্ঠাত খিলঞ্জীয়াক ভূমি অধিকাৰ প্ৰদান কৰা প্ৰস্তাৱ কাৰ্যপ্ৰণালীসহ উল্লেখ কৰা হৈছে, য'ত অসম বিধানসভাই প্ৰণয়ন কৰা দুখন আইন সংশোধন কৰি খিলঞ্জীয়াক ভূমি অধিকাৰ প্ৰদান কৰাৰ কথা উল্লেখ কৰিছে । এই আইন হৈছে Assam Land Revenue and Regulations,1886 আৰু Assam Land (Regulation of reclassification and transfer for non-Agricultural purpose) Act 2015 । এই আইন দুখনত খিলঞ্জীয়াৰ বাবে ভূমি সংৰক্ষণ কৰা দফা অন্তৰ্ভুক্ত কৰি অসম বিধানসভাই অসমৰ ভূমি খিলঞ্জীয়াৰ বাবে সুৰক্ষিত কৰিব পাৰে । বৰ্তমান জাতি মাটি ভেটি চৰকাৰৰ ৮৭ জন খিলঞ্জীয়া বিধায়ক আছে যাৰ কেৱল ৬৪ জনে মিলি খিলঞ্জীয়াক ভূমি অধিকাৰ প্ৰদান কৰি সুৰক্ষিত কৰিব পাৰে । সংশোধন কাৰ্যকৰী হলে অসমৰ ভূমি কেৱল খিলঞ্জীয়াইহে কিনা বেচা কৰিব পাৰিব ।
এই বিষয় লৈ ৰাজ্যিক বিজেপিৰ নেতা সকল সম্পূর্ণ অৱগত ।

ছয় নং দফাৰ প্ৰতিবেদনৰ নামত খিলঞ্জীয়াক চৰকাৰৰ মহা প্ৰবঞ্চনা

বিগত, 2019 বৰ্ষৰ ২১ ডিচেম্বৰত তীব্ৰ গতিত চলি থকা CAA আন্দোলন স্তিমিত কৰিবলৈকে ৰাজ্যিক কেবিনেট বৈঠকৰ পাছত ড৹ হিমন্ত বিশ্ব শৰ্মাই কৈছিল যে, আগন্তুক বিধানসভা অধিবেশনত খিলঞ্জীয়াক সুৰক্ষিত কৰিবলৈ ভূমি অধিকাৰ প্ৰদান কৰা হ'ব । ড৹ হিমন্ত বিশ্বই স্পষ্ট ভাৱে উল্লেখ কৰিছিল যে, এই প্ৰস্তাৱিত আইন অনুসৰি ভূমি কিনা-বেচা একমাত্ৰ খিলঞ্জীয়াৰ মাজত হে হ'ব । কিন্তু তাৰ পিছত দুখন বিধানসভা অধিবেশন হল, এনে আইনৰতো কোনো উমঘামেই নাই বৰঞ্চ যোৱা বিধানসভা অধিবেশনত মুখ্যমন্ত্ৰীয়ে সম্পূৰ্ণ ভুল তথ্য দি মিছাৰ আশ্ৰয় ললে, যে NRC পুনৰীক্ষণৰ আবেদন এতিয়াও উচ্চতম ন্যায়ালয়ত বিচাৰধীন হৈ আছে, কিন্তু বাস্তৱিকতে যি আবেদন ইতিমধ্যে ২৩ জুলাই ২০১৯ তে উচ্চতম ন্যায়ালয়ে নাকচ কৰিছিল । ৫ বছৰ পূৰ্বে উচ্চতম ন্যায়ালয়ে গঠন কৰা এজনীয়া আয়োগত মই ৪ অক্টোবৰ ২০১৫ ত প্ৰদান কৰা তৃতীয় প্ৰতিবেদনত ১৯৫১ ৰ ভিত্তিত ভূমি অধিকাৰ প্ৰদান কৰা আইন প্ৰণয়ন কৰিবলৈ প্ৰস্তাৱ দিছিলোঁ। এই প্ৰতিবেদন খন তেতিয়াৰ বিজেপি নেতৃত্বাধীন কেন্দ্ৰীয় চৰকাৰ আৰু কংগ্ৰেছ নেতৃত্বাধীন অসম চৰকাৰ দুয়োয়ে গ্ৰহণ কৰিছিল।

সেই একে প্ৰতিবেদনৰ প্ৰস্তাৱেই এতিয়া ৬নং দফা কমিটিৰ প্ৰতিবেদনত পুনৰ দোহাৰিছে । যদি বৰ্তমান ৰাজ্যিক বিজেপিৰ খিলঞ্জীয়া নেতা সকলৰ কোনো সদিচ্ছা থাকিলেহেঁ‌তেন তেওঁলোকে ৬ নং দফা কমিটিৰ প্ৰস্তাৱ কাৰ্যকৰী কৰি খিলঞ্জীয়াক সুৰক্ষিত কৰিলেহেঁ‌তেন । নিজৰ দায়িত্ব কেন্দ্ৰলৈ ঠেলি, মিছাৰ আশ্ৰয় নললেহেঁতেন । কিন্তু তাকে নকৰি কমিটিৰ পিছত কমিটি বনাই, প্ৰতিবেদনৰ পিছত প্ৰতিবেদন লৈ, কোনো কাৰ্যকৰী নকৰি তেওঁলোকে খিলঞ্জীয়াক মহা প্ৰবঞ্চনা কৰি আছে ।"