গুৱাহাটী মেডিকেল কলেজ হাস্পতালত উপদ্ৰৱ চলোৱা গভাইত চোৰ আটক

শুকুৰবাৰে গুৱাহাটী মেডিকেল কলেজ হাস্পতালত উপদ্ৰৱ চলোৱা গভাইত চোৰক আটক কৰে হাস্পতাল কৰ্তৃপক্ষই ৷ চোৰটোক উত্তম-মধ্যম সোধাই ভঙাগড় আৰক্ষীৰ হাতত গতাই দিয়া হয় ৷

গুৱাহাটী, 2 অক্টোবৰ: অৱশেষত শুকুৰবাৰে জালত পৰিল গুৱাহাটী মেডিকেল কলেজ হাস্পতালৰ চুৰি চক্ৰৰ লগত জড়িত এটা গভাইত চোৰ ৷ চোৰৰ সন্ধানত দীৰ্ঘদিনে খাপ পিটি থকা গুৱাহাটী মেডিকেল কলেজ হাস্পতাল কৰ্তৃপক্ষই হাতে-লোটে কৰায়ত্ব কৰিবলৈ সক্ষম হ’ল চোৰটো ৷

হাস্পতালৰ অধ্যক্ষ ডাঃ অভিজিত শৰ্মাই জানিবলৈ দিয়া অনুসৰি, চোৰেটোৱে চিকিৎসা কৰ্মীৰ ৰূপত হাস্পতালখনত প্ৰৱেশ কৰি বিভিন্ন ঔষধ সম্পৰ্কে চিকিৎসা কৰ্মীসকলক সোধ-পোচ কৰি সুযোগ বুজি ৰোগীৰ কেবিনত প্ৰৱেশ কৰে ৷ শুকুৰবাৰেও ধৃত চোৰটোৱে একেই পন্থা অৱলম্বন কৰাৰ সময়তে চোৰটো কৰায়ত্ব কৰিবলৈ সক্ষম হ’ল হাস্পতাল কৰ্তৃপক্ষই ৷ ইয়াৰ পাচত উত্তম-মধ্যম সোধাই চোৰটোক ভঙাগড় আৰক্ষীৰ হাতত গতাই দিয়ে ৷

লগতে পঢ়ক:অসহযোগ আন্দোলনত বহিল জনস্বাস্থ্য কাৰিকৰী বিভাগৰ অস্থায়ী কৰ্মচাৰী