গুৱাহাটী,২৮ জানুৱাৰী :চিকিৎসাৰ নামত ভুৱা বিলেৰে লাখ লাখ টকা লুণ্ঠনৰ চেষ্টা চলোৱাৰ ঘটনা অসমত কেইবাটাও সংঘটিত হৈছে । এইবাৰ APDCL ৰ কৰ্মচাৰীয়ে ভুৱা বিলৰ জৰিয়তে ধন লুণ্ঠনৰ চেষ্টা চলালে । ইতিমধ্যে অভিযুক্ত তিনিওগৰাকী কৰ্মচাৰীৰ বিৰুদ্ধে ভঙাগড় থানাত গোচৰ ৰুজু কৰা হৈছে ।
তিনিওগৰাকী কৰ্মচাৰীৰ বিৰুদ্ধে ভঙাগড় থানাত বৃহস্পতিবাৰে গোচৰ ৰুজু কৰিছে গুৱাহাটী চিকিৎসা মহাবিদ্যালয় হাস্পতাল (GMCH) কৰ্তৃপক্ষই (GMCH authority lodged FIR against APDCL employees) । অভিযুক্ত কৰ্মচাৰী কেইজন ক্ৰমে APDCLৰ সহায়ক হিতেশ্বৰ দাস, সূৰ্য কান্ত বড়ো আৰু দেৱজিৎ কোৱঁৰ । নিজৰ পত্নীৰ চিকিৎসাৰ নামত Ex post facto approval ৰ বাবে আৱেদন কৰি তিনিও গৰাকী বিষয়া কৰ্মচাৰীয়ে জিএমচিএইচৰ ৰাজ্যিক স্তৰৰ ৰেফাৰেল ব'ৰ্ড (State level referral board)ৰ ওচৰত দাখিল কৰিছিল ভুৱা বিল । চহী আৰু নথি পত্ৰৰ জালিয়াতিৰে ভুৱা বিল দাখিল কৰি চিকিৎসাৰ ব্যয় চৰকাৰৰ পৰা মোকলাই নিয়াৰ চেষ্টা কৰিছিল তিনিও গৰাকী কৰ্মচাৰীয়ে ।