গুৱাহাটী,৩ নৱেম্বৰ : দীপাৱলীৰ শুভ ক্ষণত সমূহ গুৱাহাটীবাসীলৈ দীপাৱলীৰ আন্তৰিক শুভেচ্ছা গুৱাহাটী পৌৰ নিগমৰ আয়ুক্ত দেৱাশীষ শৰ্মাৰ । তেওঁ পোহৰৰ উৎসৱ দীপাৱলীৰ সময়ত সেউজীয়া ফটকা ফুটাবলৈ আহ্বান জনাইছে মহানগৰবাসীক ।
ৰাস্তাত আতচবাজী ফুটুৱাৰ বিপৰীতে মহানগৰবাসীক নিজৰ ঘৰৰ চৌহত আতচবাজী ফুটাবলৈ আহ্বান জানায় । ফটকাৰ পৰা উৎপাদন হোৱা আৱৰ্জনাবোৰ সুকীয়াকৈ ঘৰৰ কাষত থলে পৌৰ নিগমৰ কৰ্মী সকলৰ আৱৰ্জনাবোৰ পৰিষ্কাৰ কৰিবলৈ সুবিধা হ'ব বুলিও মন্তব্য প্ৰকাশ কৰে দেৱাশীষ শৰ্মাই ৷