ৰাহুল গান্ধীৰ ন্যায় যাত্ৰা
গুৱাহাটী, ৮ জানুৱাৰী :‘‘ৰাহুল গান্ধীৰ ন্যায় যাত্ৰাৰক লৈ বিজেপি দল শংকিত হৈ পৰিছে । যাৰ বাবে ৰাহুল গান্ধীৰ ন্যায় যাত্ৰাৰ বিৰুদ্ধে বিজেপি দলে বিভিন্ন অপপ্ৰচাৰ চলাই আছে ৷’’ সোমবাৰে গুৱাহাটীত সংবাদ মাধ্যমৰ আগত এই মন্তব্য কৰে সাংসদ গৌৰৱ গগৈয়ে ।
সাংসদ গগৈয়ে কয়, ‘‘ৰাহুল গান্ধীৰ ন্যায় যাত্ৰাই অসম তথা উত্তৰ-পূৰ্বাঞ্চলত ভাল প্ৰভাৱ পেলাব । মানুহৰ মাজত উৎসাহ যোগাব’’ । তেওঁ আৰু কয়, ‘‘ৰাহুল গান্ধীৰ এই যাত্ৰাৰ প্ৰতি ভয় খাই ৰাজস্থানৰ এগৰাকী বিজেপি নেতাই শংকিত হৈ কৈছে - ৰাহুল গান্ধী যদি আকৌ এটা যাত্ৰা কৰে, তেতিয়া বিজেপিৰ বাবে ডাঙৰ বিপদ হ’ব’’ ।
শংকিত হৈছে বিজেপি
লগতে সাংসদ গগৈয়ে কয়, ‘‘ৰাহুল গান্ধী সিংহৰ দৰে আগবাঢ়িছে । আকৌ সিংহৰ বিৰুদ্ধে বনৰ জন্তুবোৰ একগোট হোৱাৰ দৰে বিজেপি দলৰ সকলো লগ হৈছে ৰাহুল গান্ধীৰ বিৰুদ্ধে’’ ।