হিমন্ত বিশ্ব শৰ্মাৰ লগত কেনে ধৰণৰ মিতিৰালি ভাস্কৰ জ্যোতি মহন্তৰ !

বৃহস্পতিবাৰে গুৱাহাটীত এখন সংবাদমেল সম্বোধন কৰি কংগ্ৰেছৰ মুখপাত্ৰ গৌৰৱ বল্লভে কয়- "মন্ত্রী হিমন্ত বিশ্ব শৰ্মাই হাগ্ৰামা মহিলাৰীৰ বিৰুদ্ধে দুৰ্নীতিৰ তথ্য-প্ৰমাণ থকা বুলি কোৱাৰ দুদিন পাচত অসম আৰক্ষীৰ সঞ্চালক প্ৰধান ভাস্কৰজ্যোতি মহন্তয়ো তথ্য-প্ৰমাণ থকাৰ কথা কৈছে।" দুয়োজনৰ মাজত কি যোগসূত্র আছে বুলি সন্দেহ প্ৰকাশ কৰে কংগ্ৰেছৰ ৰাষ্ট্ৰীয় মুখপাত্ৰ গৰাকীয়ে ।

গুৱাহাটী,১ এপ্ৰিল : হাগ্ৰামা মহিলাৰীৰ বিৰুদ্ধে দুনীতিৰ তথ্য-প্ৰমাণ আছে যদি কিয় ব্যৱস্থা গ্ৰহণ কৰা হোৱা নাই ? এই প্ৰশ্ন কংগ্ৰেছৰ ৰাষ্ট্ৰীয় মুখপাত্ৰ গৌৰৱ বল্লভৰ।

কংগ্ৰেছৰ নেতৃত্বধীন বিপিএফৰ মুৰব্বী হাগ্ৰামা মহিলাৰীক উদ্দেশ্যি মন্ত্রী হিমন্ত বিশ্ব শৰ্মাই কৰা মন্তব্যৰ প্ৰতিক্ৰিয়া এতিয়াও অব্যাহত আছে। বৃহস্পতিবাৰে গুৱাহাটীত এখন সংবাদমেল সম্বোধন কৰি কংগ্ৰেছৰ মুখপাত্ৰজনে কয়- "মন্ত্রী হিমন্ত বিশ্ব শৰ্মাই হাগ্ৰামা মহিলাৰীৰ বিৰুদ্ধে দুৰ্নীতিৰ তথ্য-প্ৰমাণ থকা বুলি কোৱাৰ দুদিন পাচত অসম আৰক্ষীৰ সঞ্চালক প্ৰধান ভাস্কৰজ্যোতি মহন্তয়ো তথ্য-প্ৰমাণ থকাৰ কথা কৈছে।" দুয়োজনৰ মাজত কি যোগসূত্র আছে বুলি সন্দেহ প্ৰকাশ কৰে কংগ্ৰেছৰ ৰাষ্ট্ৰীয় মুখপাত্ৰ গৰাকীয়ে ।

"তথ্য-প্ৰমাণ আছে যদি ব্যৱস্থা গ্ৰহণ নকৰে কিয় ? কোনে হাত বান্ধি ৰাখিছে আৰক্ষী সঞ্চালক প্ৰধানৰ। এনেধৰণৰ বক্তব্য দাঙি ধৰাটো সংযোগ নে প্ৰয়োগ। আৰক্ষী সঞ্চালক প্ৰধানে এনেদৰে বক্তব্য দাঙি ধৰি গণতন্ত্রক দুৰ্বল কৰিছে"- গৌৰৱ বল্লভে কয় ৷

লগতে তেওঁ কয়, বিজেপিক ইমান হতাশ-নিৰাশ কেতিয়াও দেখা নাই। তেওঁলোকে গণতন্ত্ৰৰ প্ৰতি ভাবুকি কঢ়িয়াই আনিছে। বিপিএফৰ প্ৰাৰ্থী ৰামদাস বসুমতাৰীক তেওঁলোকে ভয়-ভাবুকি দিছে। দুটা দিনত তেওঁৰ সৈতে হোৱা ফোনকলৰ তথ্য নিৰ্বাচন আয়োগে ৰাজহুৱা কৰক। সকলো কথা স্পষ্ট হৈ পৰিব বুলি ক্ষোভ প্ৰকাশ কৰে গৌৰৱ বল্লভে ৷

লগতে পঢ়ক: ছেল্ফী বিশেষ: দ্বিতীয় পৰ্যায়ৰ নিৰ্বাচনৰ কিছু উৎসাহী ভোটাৰ