গুৱাহাটী, 1 ডিচেম্বৰ: অসম মীন উন্নয়ন নিগম লিমিটেডত হোৱা নিযুক্তি কেলেংকাৰীত জড়িত বিষয়াৰ বিৰুদ্ধে তদন্ত বিচাৰি দাখিল কৰা হৈছিল এখন ৰাজহুৱা স্বার্থজড়িত আবেদন (Illegal recruitment in Fisheries Corporation) ৷ ইয়াৰ পিছতে ৰাজ্য চৰকাৰলৈ জাননী প্ৰেৰণ কৰাৰ লগতে বুধবাৰে ৰাজহুৱা স্বার্থজড়িত আবেদনখনৰ শুনানি গ্ৰহণ কৰে গুৱাহাটী উচ্চ ন্যায়ালয়ে (Gauhati HC issues notice to fisheries dept) ।
জয়দেৱ দাস নামৰ ব্যক্তিজনে দাখিল কৰা আবেদনখনৰ ভিত্তিত গুৱাহাটী উচ্চ ন্যায়ালয়ে ৰাজ্য চৰকাৰ আৰু মীন উন্নয়ন নিগমকে ধৰি পদকীয়া পক্ষসমূহলৈ জাননী জাৰি কৰিছে । ২০ ডিচেম্বৰত আবেদনখনৰ পৰৱৰ্তী শুনানিৰ দিন ধার্য কৰা হৈছে (Guwahati High Court) ।
উল্লেখ্য যে বৰ্তমানৰ বিধায়ক ৰমাকান্ত দেউৰী অসম মীন উন্নয়ন নিগমৰ অধ্যক্ষ হৈ থকাৰ সময়ত নিগমত ২১৭ টা বিভিন্ন পদত জালিয়াতিৰে নিযুক্তি দিয়াৰ কথা শেহতীয়াকৈ প্ৰকাশ পাইছিল । নিযুক্তি লাভ কৰা সকলৰ বিৰুদ্ধে ব্যৱস্থা গ্ৰহণ কৰা হ’ল যদিও এই কার্যত জড়িত নিগমৰ শীৰ্ষ আমোলা-বিষয়াৰ বিৰুদ্ধে কোনো তদন্ত বা ব্যৱস্থা গ্ৰহণ কৰা নহ'ল ।
এই বিষয়ক লৈয়েই দাসে গুৱাহাটী উচ্চ ন্যায়ালয়ত আবেদনখন দাখিল কৰিছিল । মীন বিভাগৰ লগতে মুখ্যমন্ত্ৰীৰ বিশেষ তদাৰকী কোষ আৰু তদাৰকী দুর্নীতি নিবাৰণ শাখাকো গোচৰৰ পদকীয়া কৰা হৈছে । আদালতে সকলো পদকীয়া পক্ষলৈ জাননী জাৰি কৰিছে ।
লগতে পঢ়ক:AFDC Job Scam : মীন উন্নয়ন নিগমৰ অবৈধভাৱে নিযুক্তিপ্ৰাপ্ত ২১৭ গৰাকী কৰ্মচাৰীক বৰ্খাস্ত
