কামৰূপ মেট্ট, ৩০ নৱেম্বৰ: ৩ ডিচেম্বৰত অনুষ্ঠিত হ'ব সদ্য প্ৰয়াত প্ৰাক্তন মুখ্যমন্ত্ৰী তৰুণ গগৈৰ আদ্যশ্ৰাদ্ধ । গগৈৰ দিছপুৰস্থিত চৰকাৰী বাসগৃহত আয়োজন কৰা হৈছে এক মাংগলিক অনুষ্ঠানৰ । চৰকাৰী বাসগৃহৰ সমীপতে থকা অসম সচিবালয়ৰ পাৰ্কিং চৌহদত অতিথি আৰু শ্ৰদ্ধাঞ্জলি জনোৱাৰ আদি ব্যৱস্থা কৰা হৈছে । প্ৰিয় নেতাজনক শেষবাৰৰ বাবে চাবলৈ, শেষবাৰৰ বাবে নশ্বৰ দেহত এপাহ ফুল দিবলৈ যেনেদৰে অসমৰ ভিন্ন প্ৰান্তৰ পৰা অগণন লোকৰ আগমণ ঘটিছিল,ঠিক তেনেদৰে প্ৰয়াত মুখ্যমন্ত্ৰীগৰাকীৰ চৰকাৰী বাসগৃহলৈ বৰ্তমানেও আগমণ ঘটি আছে অসংখ্য গুণমুগ্ধৰ ৷
৩ ডিচেম্বৰত প্ৰয়াত প্ৰাক্তন মুখ্যমন্ত্ৰী তৰুণ গগৈৰ আদ্যশ্ৰাদ্ধ
ইফালে, সংবাদ মাধ্যমৰ জৰিয়তে প্ৰয়াত তৰুণ গগৈৰ পত্নী ডলী গগৈ আৰু সাংসদ পুত্ৰ গৌৰৱ গগৈয়ে তেওঁলোকৰ দুখৰ সমভাগী হৈ এষাৰ মাত দিবলৈ অহা প্ৰতিজনকে সেৱা জনাইছে ধন্যবাদ জনায় ।