পাঞ্জাবাৰীত খাদ্য সামগ্ৰী বিতৰণ বিজেপি কৰ্মীৰ

মহানগৰীৰ দিছপুৰ সমষ্টিৰ অন্তৰ্গত পাঞ্জাবাৰীত ৫০০ ঘৰ দুখীয়া পৰিয়ালক খাদ্য সামগ্ৰী বিতৰণ বিজেপি কৰ্মীৰ । পাহাৰীয়া দুৰ্গম অঞ্চলত গৈ বিজেপি কর্মী জয়ন্ত দাসে খাদ্য সংকটৰ সন্মুখীন হোৱা লোকসকলক যোগান ধৰে চাউল, ডাইল, মিঠাতেলৰ লগতে শাক-পাচলি । সামাজিক দূৰত্ব বজাই ৰাখি ৰাইজে গ্ৰহণ কৰে সামগ্ৰী সমূহ ।

গুৱাহাটী,5 এপ্ৰিলঃ সমগ্ৰ বিশ্বত ত্ৰাসৰ সৃষ্টি কৰা ক’ভিড ১৯ বা কৰ’ণা ভাইৰাছৰ ভয়ত মানৱ জাতি এতিয়া গৃহবন্দী । সকলো স্তৰৰ লোকে তলা বন্ধৰ ফলত সন্মুখীন হৈছে বিভিন্ন সমস্যাৰ । বিশেষকৈ দিন-হাজিৰা কৰি পৰিয়াল পোহপাল দিয়া লোকসকলৰ অৱস্থা একেবাৰে পানীত হাঁহ নচৰা হৈ পৰিছে ৷ এই সংকটৰ সময়ত বিভিন্নজনে নিজৰ সামৰ্থ অনুযায়ী সহায়-সহযোগ আগবঢ়াই আছে দুখীয়া ৰাইজক । ৰাজনৈতিক দল সমূহেও ৰাইজক সাহায়ৰ বাবে ওলাই অহা পৰিলক্ষিত হৈছে । দেওবাৰে বিজেপি কর্মী জয়ন্ত দাসে মহানগৰীৰ দিছপুৰ সমষ্টিৰ অন্তৰ্গত পাঞ্জাবাৰীৰ পাহাৰীয়া দুৰ্গম অঞ্চলত দিন-হাজিৰা কৰি পৰিয়াল পোহপাল দিয়া ৫০০টা পৰিয়ালৰ মাজত বিতৰণ কৰে খাদ্য সামগ্ৰী । বিজেপি কর্মী দাসে এজন সহযোগীৰ সহায়ত এই সহায় আগবঢ়ায় ৷

উল্লেখ্য যে,তলা বন্ধৰ সময়ত খাদ্য সামগ্ৰী বিতৰণৰ সময়ত বিভিন্ন অঞ্চলত সামাজিক দূৰত্ব ভংগ হোৱাৰ অভিযোগ উত্থাপিত হৈ থকাৰ সময়তে কিন্তু দেওবাৰে পাঞ্জাবাৰীৰ পাহাৰীয়া অঞ্চলটোত দেখা যায় এক বিপৰীত ছবি । খাদ্য সামগ্ৰী গ্ৰহণ কৰিবলৈ অহা ৰাইজে সামাজিক দূৰত্বৰ বজাই ৰখাৰ ওপৰত বিশেষ গুৰুত্ব প্ৰদান কৰে ৷

লগতে চাওকঃবয়স্কৰ ওপৰত কোভিড-19ৰ প্ৰভাৱ তথা তাৰ প্ৰতিকাৰৰ উপায়