গুৱাহাটী, 1 মে': লক্ ডাউনৰ ভিন্ন সমস্যাৰ সন্মুখিন হৈছে মানৱ জাতি । বহু স্থানত আৱদ্ধ হৈ পৰিছে বহু লোক । মহাবাহুৰ বুকুত থকা বিশ্বৰ সবাতোকৈ সৰু নদী দ্বীপত অৱস্থিত উমানন্দ মন্দিৰতো আৱদ্ধ হৈ পৰিছে একাংশ পুৰোহিত । সম্প্ৰতি আৱদ্ধ পুৰোহিত সকল সন্মুখীন হৈছে খাদ্য সংকটৰ । ব্ৰহ্মপুত্ৰৰ ফেৰী সেৱা বন্ধ হৈ পৰাৰ ফলত মন্দিৰৰ পুৰোহিত সকল এই ক্ষেত্ৰত অধিক সমস্যাত পৰা বুলি জানিব পৰা গৈছে ।
উমানন্দ মন্দিৰৰ পুৰোহিত সকলক খাদ্য সংকটৰ পৰা ৰক্ষা কৰিবলৈ মহানগৰ জিলা প্ৰশাসনে, পুৰোহিত সকলৰ মাজত যোগান ধৰিছে বিভিন্ন খাদ্য সামগ্ৰীৰ । বৃহস্পতিবাৰে কামৰূপ মহানগৰ জিলা প্ৰশাসনৰ হৈ কামৰূপ মহানগৰ উন্নয়ন উপায়ুক্ত, অতিৰিক্ত উপায়ুক্ত ৰাতুল পাঠক আৰু কামৰূপ মহানগৰ জিলা প্ৰশাসনৰ কৰ্মচাৰীৰ এটা দল উমানন্দ মন্দিৰত উপস্থিত হৈ মন্দিৰৰ পুৰোহিত সকললৈ মাজত অত্যৱশ্যকীয় খাদ্য সামগ্ৰীৰ যোগান ধৰে ।